fbpx
Sunnudagur 19.maí 2019

DV - Frjáls og óháður miðill

Fréttir

Dularfullar skipaferðir í íslenskri lögsögu – Landhelgisgæslan getulaus til að takast á við slík mál

Kristján Kristjánsson
Mánudaginn 11. febrúar 2019 07:57

Ekki missa af Helstu tíðindum dagsins í pósthólfið þitt

Lesa nánar

Þess eru dæmi að óþekkt skip athafni sig í íslenskri lögsögu án þess að Landhelgisgæslan (LGH) viti af því eða geti aðhafst. LHG getur ekki starfað samkvæmt lögum né sinnt alþjóðlegum skuldbindingum. Þetta vita þeir sem hafa áhuga á að vita.

Þetta kemur fram í Fréttablaðinu í dag. Þar segir að þessar upplýsingar komi fram í skýrslu um LHG sem lögð hefur verið fyrir þjóðaröryggisráð.

„Landhelgisgæslan hefur undanfarið fundið fyrir takmarkaðri eftirlitsgetu á íslenskum hafsvæðum. Atvik hafa reglulega átt sér stað sem hefði mátt afstýra eða í það minnsta hefðu krafist nánari skoðunar.“

Segir í skýrslunni að sögn Fréttablaðsins. Þar kemur fram að þjóðaröryggisráð hafi fundað fimm sinnum undanfarið og hafi meðal annars rætt málefni LHG. Skýrslan sýni að LHG hafi hvorki mannskap né tæki til að takast á við það erfiða verkefni sem er að sinna vörnum landsins.

„Þetta hefur öllum verið ljóst sem vilja vita. Landhelgisgæslan vill starfa í samræmi við lög. Við vonum bara að þjóðaröryggisráð fari vandlega yfir skýrsluna og framkvæmi í samræmi við innihald hennar.”

Er haft eftir Auðuni Kristinssyni, verkefnastjóra hjá aðgerðarsviði LHG.

Sem dæmi er tekið að í lok október sýndu gervitunglamyndir að tíu óþekkt endurvörp voru suðaustur af landinu á myndsvæði sem er um einn fimmti af íslensku efnahagslögsögunni. Miðað við upplausn myndanna var hægt að staðfesta að tvö þessara endurvarpa voru skip og miklar líkur voru á að hin átta væru einnig skip. Þessi skip voru ekki sjáanleg í ferilvöktun og því er ekkert vitað hvað þau voru að gera í íslensku efnahagslögsögunni. Ekki var hægt að senda TF-SIF til að kanna málið því flugvélin var í verkefnum erlendis.

Í skýrslunni eru tekin til þrjú atriði sem þarf að lagfæra til að LHG geti staðið undir skuldbindingum sínum. TF-SIF þarf að vera á landinu allt árið en vélin hefur verið leigð út vegna fjárskorts LHG. Þá þarf að bæta við einni áhöfn á flugvélina. Þá þarf að bæta við tveimur þyrluáhöfnum að því er segir í skýrslunni svo tvær þyrlur séu alltaf til taks. Þriðja atriðið er að uppfæra þurfi varðskipið Ægi eða hefja smíði á nýju varðskipi til að tryggt sé að hægt sé að halda tveimur varðskipum á sjó hverju sinni. Auk þess þurfi að bæta við áhöfnum á varðskipin.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 20 klukkutímum

Þór kjörinn formaður Landsbjargar – „Félagsskapur sem getur flutt fjöll“

Þór kjörinn formaður Landsbjargar – „Félagsskapur sem getur flutt fjöll“
Fréttir
Fyrir 21 klukkutímum
Hatari tekinn á teppið
Fyrir 22 klukkutímum

5 hlutir til þess að gera í stað þess að horfa á Eurovision

5 hlutir til þess að gera í stað þess að horfa á Eurovision
Fréttir
Fyrir 23 klukkutímum

Hrosshræið í Saltvík hefur verið fjarlægt – „Þetta mál hefur komið mjög illa við mig og fjölskyldu mína“

Hrosshræið í Saltvík hefur verið fjarlægt – „Þetta mál hefur komið mjög illa við mig og fjölskyldu mína“
Fréttir
Fyrir 2 dögum

Skorað á Jóhannes: – Fær 30 þúsund ef hann segir „Líkþorn“ þegar hann kynnir stigin í Eurovision

Skorað á Jóhannes: – Fær 30 þúsund ef hann segir „Líkþorn“ þegar hann kynnir stigin í Eurovision
Fréttir
Fyrir 2 dögum

Eldur í íbúðarhúsnæði í Kópavogi

Eldur í íbúðarhúsnæði í Kópavogi