Fréttastjórarnir Lovísa Arnardóttir og Ágúst Borgþór Sverrisson fara yfir fréttir dagsins. Þar ber hæst löng bið á læknavaktinni, og óhuggulegt mál um nálgunarbann sem meintur gerandi í kynferðisbrotamáli gagnvart barni, fékk gagnvart fjölskyldu þolanda síns.
Í sama máli fékk þessi meinti gerandi síma þolanda síns afhentan af lögreglu.
Aðalatriðið er að vanda sig, þegar frekari virkjanagerð hér á landi er annars vegar, segir umhverfis- og loftslagsráðherra og segir að þar verði að horfa til þess að óspillt náttúra sé orðin efnahagsleg verðmæti.
Orðið maður virðist vera að breyta um merkingu milli kynslóða, og sumir segjast hræddir við að nota orðið maður í merkingunni „ég“ – Ólína Kjerúlf Þorvarðardóttir, íslenskufræðingur segir að við ættum að huga að tungumálinu eins og náttúrunni.
HM handbolta hefst í vikunni – við ræðum við okkar helstu sérfræðinga um möguleika liðsins, covidkvaðir, veðspár og hvort þetta sé besta lið okkar hingað til.
Fréttavaktin 9. janúar 2023
