Vítalía Lazareva er komin með tíma hjá kærumóttöku lögreglunnar á höfuðborgarsvæðinu vegna kynferðisbrota. Hún deilir á Twittersíðu sinni mynd af kvittun frá kærumóttökunni og segir: Stór dagur í dag fyrir mig og vonandi betra samfélag.
Vítalía kom fram í þættinum Eigin konur í ársbyrjun þar sem hún greindi frá því að þjóðþekktir menn hefði brotið á henni kynferðislega í sumarbústaðarferð, þeirra á meðal giftur maður sem hún átti þá í ástarsambandi við.
Stór dagur í dag fyrir mig og vonandi fyrir betra samfélag. pic.twitter.com/NTundVlQ4u
— Vítalía Lazareva (@LazarevaVitalia) March 22, 2022
Mennirnir í umræddri sumarbústaðarferð voru Arnar Grant, þáverandi ástmaður hennar, Ari Edwald, Þórður Már Jóhannesson og Hreggviður Jónsson. Þá sagði hún einnig að þjóðþekktur maður hefði brotið á sér í golfferð þar sem hún var gestur Arnars, en sá maður er Logi Bergmann. Allir þessir fimm menn hafa síðan ýmist stigið til hliðar í sínum störfum, farið í ótímabundið leyfi eða verið sagt upp. Bæði Hreggviður og Logi hafa neitað því opinberlega að hafa gerst brotlegir við lög.
Vítalía hefur ekki svarað fyrirspurn DV vegna málsins en fréttin verður uppfærð ef svör berast.
