Ef hægt er að segja að heimabakstur sé kynþokkafullur þá er þessi fallega rauða og dísæta kaka klárlega það. Una Guðmunds matgæðingur DV deilir hér dýrðlegri uppskrift ag sannkallaðri bombu. „Þessi þriggja hæða, rauða flauelskaka er heldur betur hátíðleg, dúnmjúkur botn með rjómaostskremi.“  Þessi kaka er svo sannalega ástarjátning!

Botnar

350 g hveiti
1 tsk. matarsódi
2 msk. kakó
300 g sykur
2 egg
300 ml matarolía
1 tsk. lyftiduft
25 ml rauður matarlitur.
Ég nota gel matarliti
1 tsk. vanilludropar
250 ml súrmjólk með karamellubragði

Krem 400 g
hreinn rjómaostur
200 g flórsykur
200 ml rjómi
2 tsk. vanilludropar
Hitið ofninn í 180 gráður.

Sigtið saman hveiti, matarsóda og kakó í skál.
Hrærið egg og sykur saman.
Blandið eggjunum saman við hveitiblönduna og bætið lyftiduftinu saman við.Hrærið saman olíu, vanilludropum og matarlit í sér skál.
Blandið öllu saman, hellið súrmjólkinni rólega saman við og hrærið vel á milli.
Setjið í þrjú kökuform og bakið við 180 gráður í um 25 mínútur, stingið tannstöngli eða kökuprjóni í miðjuna á kökubotnunum til að kanna hvort þeir séu tilbúnir. Látið botnana kólna vel áður en þeir eru losaðir úr formunum og kremið sett á.Blandið kremið á meðan botnarnir eru að kólna.
Kremið er einfalt í framkvæmd, rjóminn er léttþeyttur, rjómaostinum og flórsykrinum ásamt vanilludropum bætt saman við og allt þeytt vel saman.
Setjið nóg af kremi á kökuna, á milli botnanna og smyrjið hana að utan með kreminu líka, það gerir kökuna enn betri.
Verði ykkur að góðu