Umræða um sykursýkislyfin Ozempic og Wegovy hefur verið hávær í hinum vestræna heimi enda hefur sú aukaverkun lyfjanna, að stuðla að þyngdartapi sjúklinga, gert það verkum að þau njóta gríðarlegra vinsælda. Ástæðan er sú að lyfin losa sedduhormón, GLP-1, í líkamanum og þar með er ólíklegra að fólk sé að gúffa í sig mat.
En eðlilega hugnast mörgum ekki að sprauta í sig lyfjum til að léttast og því hafa sprottið upp ýmsar aðrar lausnir. Ein af þeim er „Oat-Zempic“-æðið sem blossaði upp á Tiktok en það snýst um að úða í sig tvöföldum ráðlögðum dagskammti af höfrum, sem líkt og lyfin, framkalla langa seddutilfinningu sem og vatni, sítrónusafa og í sumum tilvikum smá kanil.
Rétt er að geta þess að læknar og sérfræðingar hafa varað við þessu æði enda ekki hollt að borða svo einhæft fæði. Þá sé það fjarstæðukennt að át á höfrum hafi svipuð áhrif og megrunarlyfin umdeildu.
Daily Mail tók saman nokkrar matartegundir sem sagðar eru hafa sömu virkni og megrunarlyfin vinsælu, það er að segja láta líkamann framleiða áðurnefnt GLP-1 hormón.
Belgjurtir innihalda mikið af leysanlegum trefjum sem gerir það að verkum að við erum lengi að melta þær og upplifum okkur því södd í lengri tíma en ella. Þá innihalda þær hlutfallslega lítið af kaloríum.
Leysanlegar trefjar örva framleiðslu GLP-1 hormónsins þó að það sé ekki nærri því í sama magni og megrunarlyfin.
One study from 2010 investigated legume’s potential as a food for weight loss, and found that it helped participants’ manage their weight.
Súpur framkalla almennt lengri seddutilfinningu en fast fæði þó sama næring sé í báðum valkostum. Ástæðan gæti verið sú að líkaminn bregst við hungri og þorsta með svipuðum hætti. Þannig hafa margir upplifað svengd þegar þá skortir í raun vökva.
Það eru þó ekki allar súpur skapaðar jafnt. Léttar súpur sem innihalda baunir og ýmiskonar grænmeti, til að mynda Minestrone-súpur, stuðla frekar að seddu en aðrar þyngri súpur, til að mynda franskar lauksúpur.
Epli eru trefjarík, innihalda mikið vatn og hlutfallslegar fáar kaloríur. Þau eru því afar góður valkostur ef fólki langar í eitthvað sætt. Útaf trefjunum eru epli betri valkostur en aðrir sætir ávextir eins og til að mynda melónur.
Ýmiskonar grænmeti er afar seðjandi en inniheldur mörg næringaefni en fáar hitaeiningar. Tegundir eins og blómkál, brokkólí, gulrætur og ýmiskonar þistlar eru frábærir valkostir.
Þá er athyglisvert að áferð matarins getur skipt máli varðandi það hversu saddan fólk upplifir sig. Ef fólk er hrifið af brakandi stökkum mat þá getur stökkt grænmeti gert það að verkum að viðkomandi upplifir sig meira saddan eftir máltíð.
Fituskert kotasæla og jógúrt getur stuðlað að því að fólk upplifir djúpstæða seddutilfinningu enda mjög prótínríkar fæðutegundir.
Egg eru ofurfæði og ein tiltekin rannsókn sýndi fram á það að fólk sem borðaði egg í morgunmat borðaði færri hitaeiningar í næstu máltíð en fólk sem borðaði morgunkorn eða ávaxtasafa í morgunmat.
