Arsenal hefur sett stefnuna á Morgan Rogers, kantmann Aston Villa og enska landsliðsins, samkvæmt fréttum Mirror.

Mikel Arteta er sagður líta á hinn 23 ára gamla Rogers sem eitt helsta skotmark sitt á félagaskiptamarkaðnum eftir að Arsenal tryggði sér enska meistaratitilinn á síðasta tímabili. Markmið Spánverjans er að styrkja hópinn enn frekar fyrir titilvörnina og auka möguleika félagsins í Meistaradeild Evrópu.

Rogers átti frábært tímabil með Aston Villa og var einn af lykilmönnum liðsins bæði í deild og Evrópukeppni. Frammistaða hans hefur vakið athygli stærstu félaga Evrópu og Arsenal er ekki eina félagið sem hefur áhuga.

Nýkrýndir Evrópumeistarar Paris Saint-Germain fylgjast einnig grannt með stöðu leikmannsins og gætu reynst Arsenal erfiðir keppinautar í baráttunni um undirskrift hans.

Aston Villa hefur hins vegar engan áhuga á að missa einn af sínum bestu leikmönnum og er talið að félagið muni krefjast mjög hárra fjárhæða fyrir Rogers.