Erling Braut Haaland hefur verið magnaður fyrir Manchester City frá komu sinni frá Borussia Dortmund í sumar.
Hann hefur raðað inn mörkunum í ensku úrvalsdeildinni það sem af er leiktíð. Norðmaðurinn hefur skorað ellefu mörk í aðeins sjö leikjum fyrir City.
Athygli vekur að það eru fleiri mörk en þeri Mohamed Salah, Gabriel Jesus og Cristiano Ronaldo hafa skorað á öllu árinu 2022 í úrvalsdeildinni.
Þetta er ótrúleg staðreynd í ljósi þess að Haaland lék sinn fyrsta leik í ensku úrvalsdeildinni í ágúst.
Það verður fróðlegt að sjá hversu mörg mörk Haaland getur skorað í ensku úrvalsdeildinni í vetur. Hann fer í hið minnsta afar vel af stað.
