Cristiano Ronaldo er mættur á æfingasvæði Manchester United en hann er ekki einni á ferð. The Athletic segir frá því að Jorge Mendes umboðsmaður hans sé með í för.
Einnig kemur nokkuð á óvart að hans gamli stjóri Sir Alex Ferguson er mættur á svæðið til að ræða við Ronaldo.
Ronaldo kom aftur til Manchester í gær en hann mætti ekki í æfingaferð félagsins af persónulegum ástæðum.
Ronaldo vill komast burt frá United en hingað til hefur ekkert af stóru félögum Evrópu viljað kaupa hann.
United heldur því fram að Ronaldo sé ekki til sölu og óvíst er hvort að kappinn mæti á æfingu liðsins í dag.
Mendes og Ronaldo munu funda með Erik ten Hag og forráðamönnum United í dag um framtíðina en hollenski stjórinn vill halda í framherjann.
Samkvæmt heimildum The Athletic telja aðilar í kringum málið að meiri líkur en minni séu á því að Ronaldo verði áfram í herbúðum United.
📸 Cristiano Ronaldo and Jorge Mendes pictured driving into Carrington this morning. [MEN] pic.twitter.com/UlmebAqnia
— Utd District (@UtdDistrict) July 26, 2022
