Brasilíska knattspyrnugoðsögnin Ronaldo lét á sínum tíma áhugaverð orð falla um eiginkonu Luis Figo, liðsfélaga síns hjá Real Madrid.
Florentino Pérez forseti Real Madrid rifjar þetta upp. „Forseti, ef ég ætti konu Figo, myndi ég vera heima alla daga,“ hefur hann eftir Ronaldo.
Sóknarmaðurinn fyrrverandi hafði gaman að því að djamma og hitta mismunandi konur. Figo var öllu ábyrgari og út frá því spratt umræðan.
Figo, sem fagnaði 53 ára afmæli fyrr í vikunni, hefur sjálfur rifjað upp atvikið í viðtali á spænsku sjónvarpi og hafði hann gaman að þessu.
„Ég vissi af þessu því hann sagði það í búningsklefanum. Ég hef mikla ást á Ronnie og fyrirgef honum alltaf, hann er alltaf að grínast,“ sagði Figo.
Helen Svedin er konan sem um ræðir.
