
Stjórnarmenn Fulham eru sagðir íhuga framtíð stjórans Marco Silva eftir meintan ágreining bak við tjöldin á Craven Cottage.
Liðið hefur tapað fimm af síðustu sex leikjum í ensku úrvalsdeildinni og situr í 15. sæti. Þykir það ekki ásættanlegur árangur.
Silva er sagður pirraður út í stjórnina fyrir að hafa ekki styrkt liðið nógu vel í sumar. Gengið innan vallar hefur þá ekki verið til að létta andrúmsloftið.
Silva kom Fulham upp í úrvalsdeild 2022 og hefur fengið mikið lof fyrir gengið síðan þá. Nú er hins vegar farið að halla undan fæti og gætu leiðir skilið fljótlega.