Sítrónusafi er tilvalinn til að fjarlægja ryð. Ef þú þarft til dæmis að fjarlægja ryð af ostaskera þarftu bara að kreista sítrónusafa í skál, þannig að safinn flæði yfir ryðblettinn. Láttu ostaskerann liggja í vökvanum í 5 til 10 mínútur og síðan þværðu ostaskerann upp í höndum.
Það er hægt að nota sítrónusafa til aflita hár. Það er bara að setja sítrónusafa í úðaflösku og blanda með volgu vatni. Síðan er að sprauta þessu í hárið og setjast út í sólina í um eina klukkustund til að fá sem mest áhrif af blöndunni.
Sítrónur eru fullar af vítamínum og mjög næringarríkar. Þær eru því tilvaldar til að hreinsa húðina. Safinn hreinsar húðina og fjarlægir húðorma.
Það er hægt að fjarlægja kalk með sítrónusafa ef þú glímir við kalk á flísum eða blöndunartækjum. Það eina sem þarf er að nudda hálfri sítrónu á fletina þar til safinn er búinn úr henni. Sýran í safanum brýtur kalkið niður og sem bónus færðu góða lykt. En það þarf að hafa í huga að kalkið í fúgunum verður einnig fyrir áhrifum af þessu en það er hægt að koma í veg fyrir það með því að bleyta þær áður en verkið hefst. Einnig þarf að hafa í huga að það eru ekki allir fletir sem þola sýru.
Sítrónusafi eyðir lykt og hentar til dæmis vel til að þrífa skurðarbretti. Stráðu smá salti á það, nuddaðu hálfri sítrónu og láttu liggja í nokkrar mínútur. Þetta fjarlægir bletti og lykt. Sítrónusafinn má ekki liggja of lengi á því þá verða áhrifin einfaldlega of mikil.
Það er hægt að nota sítrónur til að þrífa ofna og örbylgjuofna. Settu fat með vatni og sítrónusafa í 50 gráðu heitan ofn. Eftir nokkrar klukkustundir er leikur einn að þurrka bletti og matarafganga í burtu. Í örbylgjuofni þarf vatnið bara að sjóða aðeins og síðan standa í 10 mínútur áður en óhreinindin eru strokin af.
Það er hægt að þrífa uppþvottavélar með sítrónu. Settu sítrónubörk í hnífaparabakkann og þú munt finna mun á hversu frískari og hreinni vélin verður.
