fbpx
Laugardagur 02.mars 2024
Pressan

Grænland er að rísa vegna mikillar bráðnunar íss

Ritstjórn Pressunnar
Laugardaginn 10. febrúar 2024 11:30

Ekki missa af Helstu tíðindum dagsins í pósthólfið þitt

Lesa nánar

Ísinn á Grænlandi er að bráðna tuttugu prósent hraðar en áður var talið sem hefur orðið til þess að landið sjálft er að rísa.

Þetta hafa tvær nýjar rannsóknir leitt í ljós en ástæða þessa er að bráðnunin léttir þrýstingi af bergi sem verður til þess að Grænland er að ná aukinni hæð.

Fjallað er um þetta á vefnum All That´s Interesting.

Bráðnunin hefur staðið yfir síðustu 11.700 ár en hefur aukist gríðarlega á síðustu árum vegna loftslagsbreytinga. Heildarmagn íss í Grænlandsjökli, minni jöklum og ám, sem er að bráðna, er 20 gígatonn á ári en 1 gígatonn er jafn mikið og 1 milljarður tonna.

Auk þess að léta þrýstingnum af berginu skilar bráðnunin fersku vatni í hafið sem getur haft áhrif á strauma og hitastig sjávar.

Jöklafræðingurinn Chad Greene sem fór fyrir annarri rannsókninni segir nánast alla jökla Grænlands hafa hopað síðustu áratugi og ekkert hafi hægst á því ferli.

Rannsóknin sem hann stýrði byggði á greiningu gervihnattamynda frá árunum 1985-2022 og um 200.000 athugunum á jöðrum jökla um allt Grænland.

Þessar athuganir leiddu í ljós að síðan 1992 hafa fimm trilljónir tonna af ís bráðnað á Grænlandi. Ein trilljón er þúsund milljarðar.

Til að setja þetta í samhengi, ef allur þessi ís sem bráðnað hefur síðan 1992 væri settur í einn ísmola næði hann yfir stærra svæði en Manhattan-eyja í New York og upp í meiri hæð en Mount Everest, hæsta fjall heims.

Þessi mikla bráðnun hefur eins og fyrri rannsóknir hafa leitt í ljós haft þær afleiðingar að yfirborð sjávar hefur hækkað en önnur áhrif en það eru m.a. að landrisið á Grænlandi er um það bil 7,6 millimetrar á sumum svæðum á ári.

Landris á Grænlandi hefur mælst allt að 20 sentimetrar á síðustu 10 árum.

Bráðnunin hækkar ekki bara yfirborð sjávar heldur geta hafstraumar í Norður-Atlantshafi raskast og hitastigið í hafinu í Evrópu og Norður-Ameríku breyst. Þar með talið við strendur Íslands.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Óttast misnotkun gervigreindar í kosningunum – Nú bregst Facebook við

Óttast misnotkun gervigreindar í kosningunum – Nú bregst Facebook við
Pressan
Fyrir 2 dögum

Myrti systur sína með samúræjasverði viku eftir að sonur hans var dæmdur í fangelsi fyrir morð

Myrti systur sína með samúræjasverði viku eftir að sonur hans var dæmdur í fangelsi fyrir morð
Pressan
Fyrir 3 dögum

Sökuð um að hafa myrt son sinn – Segist hafa lamið hann af því að Biblían heimili það

Sökuð um að hafa myrt son sinn – Segist hafa lamið hann af því að Biblían heimili það
Pressan
Fyrir 3 dögum

Dó úr of stórum skammti af D-vítamíni

Dó úr of stórum skammti af D-vítamíni
Pressan
Fyrir 4 dögum

Sagði fólki að borða morgunkorn á kvöldin til að spara – Sjálfur með 700 milljónir á ári

Sagði fólki að borða morgunkorn á kvöldin til að spara – Sjálfur með 700 milljónir á ári
Pressan
Fyrir 4 dögum

Prestur skotmark mafíunnar

Prestur skotmark mafíunnar
Pressan
Fyrir 4 dögum

Lögreglan beðin um að halda sig fjarri gleðigöngu í Sydney vegna morðmáls

Lögreglan beðin um að halda sig fjarri gleðigöngu í Sydney vegna morðmáls
Pressan
Fyrir 4 dögum

Vafasamur vinur – Stal 8 milljónum frá deyjandi vini sínum

Vafasamur vinur – Stal 8 milljónum frá deyjandi vini sínum