20 ferðamenn og tveir starfsmenn voru um borð í loftbelg sem hrapaði í klettunum á Love Valley svæðinu í Cappadocia í Tyrklandi um klukkan sex á laugardagsmorgun. Staðurinn er einn vinsælasti ferðamannastaður landsins.
Rebecca Horsfall sem var á staðnum að taka myndir fyrir samfélagsmiðla sína myndaði atvikið þegar loftbelgurinn hrundi á hinar þekktu Fairy Chimney bergmyndanir.
View this post on Instagram
„Skyndilega var fólk að öskra og hlaupa að jaðri dalsins,“ sagði Horsfall. „Það var ótrúlega skelfilegt að sjá körfuna renna niður fjallshlíðina.“ Segist hún sjálf hafa farið í slíka loftbelgsferð fyrir tveimur árum og upplifað sig mjög örugga og allt hafi verið samkvæmt öryggisreglum.
Viðbragsaðilar voru fljótir á vettvang, en betur fór en á horfðist þar sem enginn slasaðist við brotlendinguna.
„Svo virðist sem belgurinn hafi festst við stein. Dalirnir geta verið þröngir og flugmönnum finnst gaman að fljúga loftbelgnum lágt til að farþegarnir fái bestu upplifunina.“
Einn farþeganna í loftbelgnum sagði við fjölmiðla á staðnum að flugmaðurinn „stappaði stöðugt í okkur stálinu“, þrátt fyrir erfiða lendingu.
Sveitarstjórnin sagði í yfirlýsingu: „Loftbelgurinn sem um ræðir, sem fór í loftið frá Paşabağları staðsetningunni um klukkan 05:15 í dag, lenti öruggri neyðarlendingu innan landamæra Goereme Town. Eftir nauðlendinguna voru 20 farþegarnir og 2 flugmennirnir í loftbelgnum fluttir á öruggan hátt af teymum okkar, engin meiðsl urðu á fólki og engar aukaverkanir fundust við heilsufarsskoðun flugmanna og farþega í loftbelgnum.“
