Rithöfundurinn Melanie Rio sem búsett er í Washington í Bandaríkjunum leigði sér íbúð á Airbnb. Rio var allt annað en sátt við aðkomuna og íbúðina og lýsti reynslu sinni á X í epísku ranti eins og sagt er.

Hellti Rio sér yfir leiguþjónustuna og sagði að íbúðin sem kostað hefði hana 2500 dali hefði verið skítug, þar hefði verið leki og fullt af músaskít og kakkalökkum. Íbúðin sem Rio leigði er á þriðju hæð og hafði hún bókað hana í mánuð.

Í færslu sinni á X segist Rio hafa lent í löngu og miklu stappi við leiguþjónustuna áður en hún fékk að lokum endurgreiðslu fyrir íbúðina. Færslan er löng með fullt af myndum og myndböndum af íbúðinni og byrjar Rio færsluna með orðunum: „Nú skulum við bregða á leik og fara í skoðunarferð um eignina sem Airbnb neitar að endurgreiða mér fyrir. Ég er viss um að þeir myndu hata það ef þið deilið þessu, en þetta virðist eina leiðin til að ná athygli þeirra,“ segir Rio. 

Byrjar hún á forstofunni og segir óhreinindin byrja strax þar. Þegar hún hafði farið úr íbúðinni um morguninn hafi hún læst hurðinni, en þegar hún kom til baka var hún ólæst og eina skrúfuna vantaði í boltann. „Gestgjafinn er náttúrulega að gefa í skyn að ég sé of heimsk til að læsa hurð almennilega þrátt fyrir að hafa læst henni tíu sinnum áður.“

For a fun game, let’s do a tour of the unit @Airbnb refuses to give me a refund for! I’m sure they’d hate if you liked it shared this, which seems to be the only way to get their attention. Let’s start with the entryway. Not off to a great start re: cleanliness. pic.twitter.com/wRIeIVGQIw

— M. L. Rio (@SureAsMel) January 10, 2024

But wait, @Airbnb! There’s more: when I left today I locked the door. When I got back it was unlocked and one of the screws was missing from the deadbolt. The host is, naturally, suggesting that I am too stupid to lock a door properly despite locking it ten times before. pic.twitter.com/5t16pdTRKb

— M. L. Rio (@SureAsMel) January 10, 2024

Hún deildi mynd af pöddu sem skaust yfir einn vegginn: „Þegar ég kom hingað fyrst var lítill kakkalakki í eldhúsinu. Ég drap hann, sem augljóslega voru mín mistök, vegna þess að Airbnb þjónustuverið vildi sannanir. „Síðan þá hef ég drepið tvo til viðbótar og einn komst í burtu, en hér er sönnun fyrir ykkur. En hér eru ekki bara skordýr, við erum líka með nagdýr. Músaskítur og almennur óþverri á milli ísskáps og skápa. Ef þú heldur að þetta sé eitthvað annað þá hefurður rangt fyrir sér.“

Hey look! I found another one! pic.twitter.com/BFEVKCiV36

— M. L. Rio (@SureAsMel) January 10, 2024

Rio deildi einnig hluta af samskiptum sínum við þjónustuver Airbnb þar sem ráðgjafar báðu hana um að leggja fram sönnun fyrir öllum sem hún kvartaði undan, þar á meðal skorti á heitu vatni, áður en Rio var neitað um endurgreiðslu vegna skorts á sönnunargögnum.

Rio benti einnig á að um leið og hún kom fyrst í íbúðina hafi hún tekið eftir að húsgögnin voru önnur en höfðu verið á myndum af íbúðinni. Sagði hún það svo sem ekki hafa verið mikið vandamál, en næsta sem hún tók eftir var að hitinn var ekki í lagi. Eigandi íbúðarinnar hafi strax sent viðgerðarmann. „Hann fjarlægði síu úr loftræstikerfinu sem var svört. Mér fannst þetta alls ekki í lagi, en hugsaði að kannski væri langt síðan einhver var síðast í íbúðinni.“

Næst tók Rio til við að elda sér kvöldmat, þá virkaði eldavélin illa, gasið kviknaði strax, en mikið bras var að slökkva á því aftur. Aftur sendi eigandi íbúðarinnar mann, að þessu sinni húsvörðinn. Honum tókst ekki að laga eldavélina, en sýndi Rio aðra íbúð í húsinu þar sem eldavélin virkaði. Þegar Rio kom aftur í sína íbúð sá hún fyrsta kakkalakkann, og segist hafa drepið hann, sem greinilega var helbert klúður þar sem þjónustuver Airbnb vildi sannanir og augljóslega getur dautt dýr ekki verið sönnunargagn. Um klukkan 19.30 þetta kvöld hófst svo orðaskak Rio við þjónustuver Airbnb. Þar fær hún þau svör að þeir þurfi fyrst að heyra í eigandanum og muni hafa samband aftur eftir klukkustund, sem þeir stóðu ekki við. Rio ákvað að bíða róleg á meðan, fara í sturtu og svona, en þar beið hennar annar kakkalakki.

Rio segir að eftir heillangt orðaskak við þjónustuverið hafi hún gefist upp, pakkað föggum sínum og farið. Eftir að færsla hennar vakti mikla athygli netverja fékk hún loksins endurgreiðslu á leigunni.