fbpx
Mánudagur 24.janúar 2022
Pressan

Ný rannsókn – 90% minni líkur á að látast af völdum Ómíkron en Deltaafbrigðinu

Kristján Kristjánsson
Fimmtudaginn 13. janúar 2022 06:06

Sérfræðingar vara við ranghugmyndum um afbrigðið. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Það eru miklu minni líkur á að þeir sem smitast af Ómíkronafbrigði kórónuveirunnar þurfi að leggjast inn á sjúkrahús en þeir sem smitast af Deltaafbrigðinu. Einnig eru miklu minni líkur á að Ómíkron verði fólki að bana en Delta.

Þetta eru niðurstöður nýrrar bandarískrar rannsóknar sem var unnin af vísindamönnum við tvo háskóla. 70.000 COVID-19-sjúklingar tóku þátt í henni.

Rannsóknin hefur ekki verið ritrýnd sem þýðir að ekki hefur verið farið ofan í saumana á henni af óháðum vísindamönnum sem komu hvergi nálægt henni. En ef niðurstöðurnar eru réttar þá er fullt tilefni til bjartsýni. AFP skýrir frá þessu.

Rannsóknin sýnir að Ómíkron hefur meiri mótstöðu gegn bóluefnum en fyrir afbrigði en um leið eru veikindi fólks almennt vægari af völdum Ómíkron. Þeir sem voru smitaðir af Ómíkronafbrigðinu voru í 90% minni hættu á að deyja af völdum COVID-19 en þeir sem voru með Deltaafbrigðið.

Hvað varðar sjúkrahúsinnlagnir þá voru helmingi minni líkur á að þeir sem voru smitaðir af Ómíkron þyrftu að leggjast inn á sjúkrahús og 75% minni líkur á að þeir þyrftu að leggjast inn á gjörgæsludeild.

Rannsóknin leiddi einnig í ljós að þeir sem voru lagðir inn á sjúkrahús vegna Ómíkronsmits dvöldu þar að meðaltali í einn og hálfan dag en þeir sem voru smitaðir af Deltaafbrigðinu lágu að jafnaði inni í fimm daga.

Rochelle Walensky, forstjóri bandarísku smitsjúkdómastofnunarinnar (CDC) segir að í rannsókninni hafi verið tekið tillit til ýmissa þátta sem geta haft áhrif, til dæmis aldurs, kyns, fyrri sýkinga, bólusetninga og krónískra sjúkdóma.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Lögreglan var viss um að hafa fundið morðingja stúlknanna – En málið tók óvænta og banvæna stefnu

Lögreglan var viss um að hafa fundið morðingja stúlknanna – En málið tók óvænta og banvæna stefnu
Pressan
Í gær

Svona oft fær fólk hjartastopp á meðan á ástarleikjum stendur

Svona oft fær fólk hjartastopp á meðan á ástarleikjum stendur
Pressan
Fyrir 2 dögum

Íbúar sænska bæjarins Fucke vilja breyta nafni hans

Íbúar sænska bæjarins Fucke vilja breyta nafni hans
Pressan
Fyrir 2 dögum

Nefndi son sinn eftir vinnustaðnum sínum – Kannski eitt af undarlegri nöfnum heims

Nefndi son sinn eftir vinnustaðnum sínum – Kannski eitt af undarlegri nöfnum heims
Pressan
Fyrir 3 dögum

Gaf barnið sitt eftir að hún komst að lygum barnsföðurins

Gaf barnið sitt eftir að hún komst að lygum barnsföðurins
Pressan
Fyrir 3 dögum

Tékknesk söngkona sem smitaðist vísvitandi af Covid lést vegna Covid

Tékknesk söngkona sem smitaðist vísvitandi af Covid lést vegna Covid