fbpx
Föstudagur 15.október 2021
Pressan

Útfararstofa hvetur fólk til að láta ekki bólusetja sig

Kristján Kristjánsson
Miðvikudaginn 22. september 2021 05:59

Auglýsingin hefur vakið mikla athygli. Mynd/Imgur

Ekki missa af Helstu tíðindum dagsins í pósthólfið þitt

Lesa nánar

Á sunnudaginn sáu margir, sem voru á leið á leik Charlotte Panthers gegn New Orleans Saints í bandarískum ruðningi, sendiferðabíl merktan útfararstofunni Wilmore Funeral Home í miðborg Charlotte. Á bílnum voru stórar auglýsingar sem á stóð: „Ekki láta bólusetja þig.“

Víða reyna yfirvöld og fleiri að fá fleiri til að láta bólusetja sig gegn kórónuveirunni og því hefur eflaust einhverjum brugðið í brún við þessa auglýsingu útfararstofunnar enda ekki hægt að lesa annað úr henni en að fólk eigi ekki að láta bólusetja sig til að útfararstofan fái meiri viðskipti.

Í Bandaríkjunum hefur víða verið gripið til aðgerða til að reyna að fá fólk til að láta bólusetja sig, það fær greitt fyrir það, ókeypis mat, miða á íþróttaviðburði og fleira. Aðeins 55% Bandaríkjamanna hafa lokið bólusetningu að sögn CNN.

Fram kemur að auglýsingastofa í Charlotte hafi ákveðið að grípa til eigin aðgerða í málinu og fara óhefðbundnar leiðir við að reyna að fá fólk til að láta bólusetja sig. Hún lét því útbúa sendiferðabílinn með umræddum auglýsingum. Wilmore útfararstofan er ekki til og þegar farið er inn á heimasíðu hennar flyst fólk sjálfkrafa yfir á aðra heimasíðu þar sem eru leiðbeiningar um hvar er hægt að láta bólusetja sig og hvatning þar um.

Á heimasíðunni birtast síðan sprettigluggar með skilaboðum, „Láttu bólusetja þig núna“, og síðan: „Ef ekki, þá hittumst við fljótlega“.

David Oakley, forstjóri BooneOakley auglýsingastofunnar sagði í samtali við CNN að hann hafi talið tíma til kominn að taka hlutina alvarlega, hefðbundnar auglýsingar séu ekki að virka og því hafi verið ákveðið að fara þessa leið til að láta fólki bregða og fá það til að hugsa.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Hryllingsmínúturnar 34 í Kongsberg – Sá grunaði sagður hafa snúist til Íslamstrúar

Hryllingsmínúturnar 34 í Kongsberg – Sá grunaði sagður hafa snúist til Íslamstrúar
Pressan
Í gær

Fimm látnir í Kongsberg – 37 ára Dani í haldi lögreglunnar

Fimm látnir í Kongsberg – 37 ára Dani í haldi lögreglunnar
Pressan
Í gær

Danskir vísindamenn gera tilraunir með nýja meðferð við COVID-19

Danskir vísindamenn gera tilraunir með nýja meðferð við COVID-19
Pressan
Í gær

Matur í maga eða hiti í húsinu? Erfiður vetur fram undan hjá mörgum Bretum

Matur í maga eða hiti í húsinu? Erfiður vetur fram undan hjá mörgum Bretum
Pressan
Fyrir 2 dögum

Rúmenska heilbrigðiskerfið ræður ekki við álagið vegna fjórðu bylgju kórónuveirunnar

Rúmenska heilbrigðiskerfið ræður ekki við álagið vegna fjórðu bylgju kórónuveirunnar
Pressan
Fyrir 2 dögum

Talibanar hafa ekki borgað rafmagnsreikninginn – Rafmagnsleysi vofir yfir Afganistan

Talibanar hafa ekki borgað rafmagnsreikninginn – Rafmagnsleysi vofir yfir Afganistan
Pressan
Fyrir 3 dögum

Leita að þeim sem drápu 14 friðaðar kengúrur

Leita að þeim sem drápu 14 friðaðar kengúrur
Pressan
Fyrir 3 dögum

Loka þarf sjúkrahúsum í Afganistan vegna fjárskorts

Loka þarf sjúkrahúsum í Afganistan vegna fjárskorts