fbpx
Laugardagur 12.júní 2021
Pressan

9.000 kórónuveirusýni tekin með notuðum sýnatökupinnum

Kristján Kristjánsson
Fimmtudaginn 6. maí 2021 06:40

Kórónuveirusýni tekið. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Þegar flugfarþegar koma á flugvöllinn í Medan í Indónesíu fá þeir afhentan kassa með nauðsynlegum búnaði til að taka kórónuveirusýni úr nefi eða hálsi. Allir farþegar verða að gera þetta og bíða eftir niðurstöðum sýnatökunnar en um svokölluð hraðpróf er að ræða sem sýna niðurstöðuna eftir 15 mínútur. Lögreglan telur að um 9.000 farþegar hafi fengið notaða sýnatökupinna á flugvellinum. Ekki var um mistök að ræða því fimm starfsmenn lyfjafyrirtækis eru grunaðir um að hafa gert þetta á skipulagðan hátt til að hagnast sjálfir. Þeir eru taldir hafa hagnast um sem svarar til um 15 milljóna íslenskra króna á þessu.

Samkvæmt frétt The Guardian þá eru fimm starfsmenn hjá lyfjafyrirtækinu Kimia Farma grunaðir um að hafa þvegið notaða pinna og selt þá síðan. Fimmmenningarnir hafa verið handteknir vegna rannsóknar málsins. Fyrirtækið sjálft á málshöfðun yfir höfði sér frá flugfarþegum sem munu væntanlega krefjast bóta og að auki á fyrirtækið aðild að sakamálarannsókninni sem stendur yfir.

Meðal farþeganna eru tveir lögfræðingar sem fara reglulega um flugvöllinn. South China Morning Post hefur eftir þeim að þeir séu nú að undirbúa skaðabótamál á hendur Kimia Farma og eigi í viðræðum við aðra farþega sem hafi hug á að stefna fyrirtækinu. Hyggjast lögfræðingarnir krefjast sem svarar til 7,6 milljóna íslenskra króna í bóta fyrir hvern farþega sem var látinn hafa notaða sýnatökupinna.

Þetta mál er aðeins eitt af mörgum í tengslum við tilraunir glæpamanna til að nýta sér heimsfaraldurinn til að hagnast. Að undanförnu hefur verið skýrt frá mörgum slíkum málum. Til dæmis varaði lyfjaframleiðandinn Pfizer við því nýlega að fölsk bóluefni gegn kórónuveirunni væru seld í Póllandi. Í lyfjaglösum merktum fyrirtækinu var ekki bóluefni heldur hrukkumeðal. Pólska lögreglan vinnur að rannsókn málsins.

Sömu sögu er að segja frá Mexíkó þar sem yfirvöld hafa varað almenning við sölu á fölsuðum bóluefnum gegn kórónuveirunni. Þau innihéldu saltvatn.

Í Kína hefur sala á fölsuðum bóluefnum lengi verið stórt vandamál. Í febrúar voru 80 handteknir vegna slíkra mála þar í landi. Í einu höfðu glæpamennirnir framleitt 58.000 skammta af fölsuðum bóluefnum. Umbúðirnar litu nákvæmlega eins út og umbúðirnar utan um viðurkennd bóluefni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Heimsfaraldurinn hefur breytt aðferðum smyglara og neyslumynstri

Heimsfaraldurinn hefur breytt aðferðum smyglara og neyslumynstri
Pressan
Fyrir 2 dögum

Norðmenn fylgjast náið með nýju afbrigði kórónuveirunnar

Norðmenn fylgjast náið með nýju afbrigði kórónuveirunnar
Pressan
Fyrir 2 dögum

Þetta er glæpamaðurinn sem aðstoðaði lögregluna óafvitandi – 800 handteknir

Þetta er glæpamaðurinn sem aðstoðaði lögregluna óafvitandi – 800 handteknir
Pressan
Fyrir 2 dögum

Ný kórónuveirubylgja ógnar Afríku

Ný kórónuveirubylgja ógnar Afríku
Pressan
Fyrir 3 dögum

Talin hafa látist af völdum of mikillar tyggjónotkunar

Talin hafa látist af völdum of mikillar tyggjónotkunar
Pressan
Fyrir 3 dögum

Aiden var drepinn fyrir framan móður sína – Nú eru ný tíðindi í málinu

Aiden var drepinn fyrir framan móður sína – Nú eru ný tíðindi í málinu
Pressan
Fyrir 4 dögum

Mál Madeleine McCann – Lögreglan hefur rannsakað Christian B. árum saman

Mál Madeleine McCann – Lögreglan hefur rannsakað Christian B. árum saman
Pressan
Fyrir 4 dögum

Lögreglan ætlaði að uppræta kannabisræktun – Byggingin var notuð í eitthvað allt annað

Lögreglan ætlaði að uppræta kannabisræktun – Byggingin var notuð í eitthvað allt annað