fbpx
Þriðjudagur 30.nóvember 2021
Pressan

Sænsku hægriflokkarnir þrýsta á ríkisstjórnina vegna innflytjendamála

Kristján Kristjánsson
Þriðjudaginn 4. maí 2021 17:15

Flóttamenn í Svíþjóð

Ekki missa af Helstu tíðindum dagsins í pósthólfið þitt

Lesa nánar

Leiðtogar sænsku stjórnmálaflokkanna mættust í sjónvarpskappræðum á sunnudagskvöldið þar sem innflytjenda- og flóttamannamál voru rædd. Hægriflokkarnir sóttu hart að ríkisstjórninni sem er minnihlutastjórn jafnaðarmanna undir forystu Stefan Löfven, forsætisráðherra og formanns jafnaðarmanna.

Löfven er undir vaxandi þrýstingi frá stjórnarandstöðunni um að herða lög og reglur er varða innflytjenda- og flóttamannamál. Það eru Modereaterna, Kristilegir demókratar, Frjálslyndir og Svíþjóðardemókratarnir en flokkarnir hafa tekið höndum saman um stefnumörkun í málaflokknum. Þetta eru stór tímamót því þetta er í fyrsta sinn sem Svíþjóðardemókrötunum er hleypt að samningaborðinu og til áhrifa en þeir hafa verið áhrifalausir á sænska þinginu allt frá því að þeir fengu fyrst þingmenn kjörna fyrir um áratug.

Flokkarnir hafa sett fram kröfu um að möguleikar útlendinga á að fá varanlegt dvalarleyfi í Svíþjóð verði takmarkaðir. Þeir vilja einnig ganga enn lengra en ríkisstjórn Löfven gerir í nýjum tillögum um vernd fyrir hælisleitendur en samkvæmt þeim tillögum munu börn og fullorðnir, sem ekki uppfylla skilyrði um að vera hælisleitendur, eiga möguleika á að vera áfram í Svíþjóð. Þetta vilja hægri flokkarnir ekki en þeir höfðu varla lagt tillögur sínar fram þegar brestir komu í samstöðu þeirra.

Jimmie Åkesson, formaður Svíþjóðardemókratanna, sagðist vilja sjá enn harðari innflytjendalöggjöf en kæmi fram í þeim tillögum sem hægri flokkarnir hafa kynnt. Hann sagði tillöguna ekki vera góða en „ekki jafn slæma“ og tillögur ríkisstjórnarinnar. Hann sagðist helst vilja rífa núverandi lög um málefni innflytjenda og hælisleitenda í tætlur og loka alveg fyrir komur innflytjenda og hælisleitenda til landsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Hryllingur á heimavistinni – „Ég vil gjarnan ríða þér“

Hryllingur á heimavistinni – „Ég vil gjarnan ríða þér“
Pressan
Í gær

Skotinn til bana í Huddinge

Skotinn til bana í Huddinge
Pressan
Fyrir 2 dögum

Læknaðist algjörlega af mígreni við að skipta alfarið yfir í grænmetisfæði

Læknaðist algjörlega af mígreni við að skipta alfarið yfir í grænmetisfæði
Pressan
Fyrir 2 dögum

Loftslagsbreytingarnar – Þetta getur þú gert til að draga úr kolefnisfótsporum þínum

Loftslagsbreytingarnar – Þetta getur þú gert til að draga úr kolefnisfótsporum þínum