fbpx
Laugardagur 15.maí 2021
Pressan

Einn skammtur af bóluefni gegn COVID-19 dregur mjög úr útbreiðslu veirunnar

Kristján Kristjánsson
Sunnudaginn 2. maí 2021 22:30

Vísindamaður meðhöndlar bóluefni. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Niðurstöður nýrrar rannsóknar sýna að það að fólk fái einn skammt af bóluefni Pfizer/BioNTech eða Moderna gegn kórónuveirunni getur dregið úr útbreiðslu kórónuveirunnar um allt að helming.

Sky News segir að rannsóknin hafi beinst að fólki sem var búið að fá einn skammt af öðru hvoru bóluefninu. Þeir sem voru smitaðir af kórónuveirunni að minnsta kosti þremur vikum eftir bólusetningu voru 38 til 49% síður líklegri til að smita aðra heimilismeðlimi af henni samanborið við þá sem ekki höfðu verið bólusettir.

Bóluefnin byrjuðu að veita vernd um tveimur vikum eftir bólusetningu og ekki var að sjá að aldur skipti máli hvað það varðar en flestir þátttakendanna voru undir sextugu.

Sky News hefur eftir Dr Peter English, sérfræðingi í sjúkdómavörnum, að rannsakendur geti hugsanlega hafa vanmetið áhrif bólusetninga á útbreiðslu veirunnar. Hann sagði niðurstöðurnar mjög mikilvægar og styrki enn frekar vonir um að bóluefnin muni verða til þess að hjarðónæmi náist.

Enn á eftir að ritrýna rannsóknina en 57.000 manns, frá 24.000 heimilum, tóku þátt í henni. Í samanburðarhópnum var tæplega ein milljón óbólusettra.

Niðurstöður annarrar rannsóknar sýna að fjórðungur fékk vægar og skammlífar aukaverkanir af völdum bóluefnanna frá Pfizer/BioNTech og AstraZeneca. Algengustu aukaverkanirnar voru höfuðverkur og þreyta. Hjá flestum náðu aukaverkanirnar hámarki innan 24 klukkustunda frá bólusetningu og vörðu í einn til tvo sólarhringa.

Niðurstöður rannsóknarinnar hafa verið birtar í Lancet Infectious Diseases.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Óhugnanlegt myndband: Hræðileg afleiðing þess að karlar ógnuðu konum

Óhugnanlegt myndband: Hræðileg afleiðing þess að karlar ógnuðu konum
Pressan
Í gær

Ný sönnunargögn gegn manninum sem grunaður er um að hafa myrt Madeleine McCann

Ný sönnunargögn gegn manninum sem grunaður er um að hafa myrt Madeleine McCann
Pressan
Fyrir 3 dögum

Ráðgátan vindur upp á sig – 50 lík hefur rekið á land

Ráðgátan vindur upp á sig – 50 lík hefur rekið á land
Pressan
Fyrir 3 dögum

Ísraelsmenn og Hamas skutu fjölda eldflauga í nótt – Segjast hafa drepið háttsetta Hamasliða

Ísraelsmenn og Hamas skutu fjölda eldflauga í nótt – Segjast hafa drepið háttsetta Hamasliða
Pressan
Fyrir 3 dögum

Það sem ekki átti að geta gerst gerðist – Var úti á miðri glerbrú þegar glerið fauk úr

Það sem ekki átti að geta gerst gerðist – Var úti á miðri glerbrú þegar glerið fauk úr
Pressan
Fyrir 4 dögum

Hlébarði hefur gengið laus nærri kínverskri stórborg í rúma viku

Hlébarði hefur gengið laus nærri kínverskri stórborg í rúma viku
Pressan
Fyrir 4 dögum

Heimsfaraldurinn leikur Indverja grátt og við bætist annar hryllingur – „Þetta er martröð ofan í faraldurinn“

Heimsfaraldurinn leikur Indverja grátt og við bætist annar hryllingur – „Þetta er martröð ofan í faraldurinn“
Pressan
Fyrir 4 dögum

NASA gagnrýnir Kínverja fyrir ábyrgðarleysi í geimnum

NASA gagnrýnir Kínverja fyrir ábyrgðarleysi í geimnum