Miðvikudagur 03.mars 2021
Pressan

Perseverance lenti heilu og höldnu á Mars og er búinn að senda fyrstu myndina til jarðar

Kristján Kristjánsson
Föstudaginn 19. febrúar 2021 05:21

Bein útsending var á Piccadilly Circus í Lundúnum frá lendingunni. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Marsbíllinn Perseverance lenti heilu og höldnu á Mars klukkan 20.44 í gærkvöldi að íslenskum tíma en lendingin var ekki staðfest fyrr en 11 mínútum síðar því  það tekur útvarpsmerki 11 mínútur að berast frá Mars til jarðarinnar. Lendingin tókst vel og var mikill léttir í höfuðstöðvum bandarísku geimferðastofnunarinnar NASA þegar fyrstu merkin bárust frá bílnum. Það hefði verið mikið áfall ef eitthvað hefði farið úrskeiðis og lendingin hefði mistekist. Margra ára vinna hefði þá farið forgörðum og um tveir milljarðar dollara sem verkefnið kostaði. Perseverance beið ekki boðanna og sendi fljótlega eftir lendingu fyrstu myndina til jarðar.

Það var Swati Mohan, leiðangursstjóri, sem staðfesti klukkan 20.55 að Perseverance hefði lent heilu og höldnu. Marsbílinn, sem er í raun blanda af bíl og vélmenni, á að reyna að komast að því hvort líf hafi verið á Mars eða sé jafnvel enn til staðar.

Mikil spenna ríkti fyrir lendinguna enda margt sem gat farið úrskeiðis. Geimfarið, sem flutti Perseveranc til Mars, kom að Mars á miklum hraða eða um 20.000 km/klst. Það varð að hægja á ferðinni og fara nánast niður í gönguhraða manns áður en Perseverance var látinn síga niður á yfirborðið.

Þetta er fyrsta myndin sem Perseverance sendi til jarðar. Mynd:NASA

Perseverance er fimmti Marsbíllinn sem lendir á Mars. Sá fyrsti lenti þar 1997 og er það NASA sem hefur sent þá alla til Rauðu plánetunnar. Aðeins 40% af þeim geimförum sem hafa verið send til Mars hafa komist heil á húfi á áfangastað sinn og því ljóst að það er allt annað en auðvelt að senda geimför til plánetunnar.

Perseverance mun aðeins aka á daginn því það er of kalt á nóttunni. Að næturlagi mun bíllinn halda sig við steina og kletta til að rannsaka þá, leita að ummerkjum eftir líf en það verður verkefni bílsins næstu árin.

Hann lenti í Jezero-gígnum en þar er talið að stöðuvatn eða haf hafi eitt sinn verið og því um góðan stað að ræða til að leita að ummerkjum um líf.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Risastór ísjaki brotnaði frá íshellunni á Suðurskautslandinu – Er stærri en New York

Risastór ísjaki brotnaði frá íshellunni á Suðurskautslandinu – Er stærri en New York
Pressan
Fyrir 2 dögum

Fauci segir öll bóluefnin gegn kórónuveirunni vera áhrifarík

Fauci segir öll bóluefnin gegn kórónuveirunni vera áhrifarík
Pressan
Fyrir 2 dögum

Þriðji hver 25 ára Stokkhólmsbúi er með mótefni gegn kórónuveirunni

Þriðji hver 25 ára Stokkhólmsbúi er með mótefni gegn kórónuveirunni
Pressan
Fyrir 3 dögum

Staðhæfingar um kosningasvindl geta reynst koddakónginum dýrar

Staðhæfingar um kosningasvindl geta reynst koddakónginum dýrar
Pressan
Fyrir 4 dögum

Segja að bréf sýni að FBI og lögreglan í New York hafi komið að morðinu á Malcolm X

Segja að bréf sýni að FBI og lögreglan í New York hafi komið að morðinu á Malcolm X
Pressan
Fyrir 4 dögum

Ný rannsókn – Öfgasinnað fólk á erfiðara með að leysa flókin verkefni

Ný rannsókn – Öfgasinnað fólk á erfiðara með að leysa flókin verkefni
Pressan
Fyrir 5 dögum

Kórónuveiran getur lifað á fatnaði í allt að 72 klukkustundir

Kórónuveiran getur lifað á fatnaði í allt að 72 klukkustundir
Pressan
Fyrir 5 dögum

Sjáðu myndbandið: Sleppti börnunum fram af þriðju hæð

Sjáðu myndbandið: Sleppti börnunum fram af þriðju hæð