Mánudagur 01.mars 2021
Pressan

Segir ólíklegt að COVID-19 hverfi algjörlega

Kristján Kristjánsson
Föstudaginn 22. janúar 2021 07:50

Kórónuveiran hefur lagst á heimsbyggðina. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Dr Ashley Bloomfield, landlæknir Nýja-Sjálands, segir að með tímanum geti kórónuveiran, sem veldur COVID-19, orðið meira smitandi en um leið minna banvæn en nú er en hann telur litlar líkur á að hún hverfi alveg af sjónarsviðinu. Hann segir jafnframt að mikilvægt sé að vera á varðbergi til að halda aftur af útbreiðslu nýrra afbrigða af veirunni.

„Ef þú hugsar um inflúensu þá var hún fyrst skráð 1172 í Evrópu held ég . . . þessar veirur hafa ekki tilhneigingu til að deyja út . . . Þær breytast með tímanum og við erum að sjá með þessum nýju afbrigðum af COVID-19-veirunni að þau hafa tilhneigingu til að verða meira smitandi og minna banvæn með tímanum,“ sagði hann í AM Show á miðvikudaginn. The Guardian skýrir frá þessu.

Hann sagði jafnframt að bóluefni muni hjálpa mannkyninu að mynda ónæmi og að það náttúrulega ónæmi sem fólk myndar muni einnig þróast.

Hann varaði við hættunni sem getur fylgt því ef nýrri afbrigði veirunnar sleppi úr sóttkví og einangrun því meiri hætta geti stafað frá því en gerði á síðasta ári.

Eins og staðan er núna á Nýja-Sjálandi þá þurfa allir sem koma til landsins að fara í 14 daga sóttkví og flestir ferðamenn þurfa að fara í auksýnatöku og þurfa að vera í sóttkví á meðan beðið er eftir niðurstöðunni. Bloomfield sagði einnig að sú hætta væri alltaf fyrir hendi að veiran gæti „sloppið í gegn“ þrátt fyrir að mikið sé gert á landamærunum til að reyna að halda henni úti.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Ný rannsókn – Öfgasinnað fólk á erfiðara með að leysa flókin verkefni

Ný rannsókn – Öfgasinnað fólk á erfiðara með að leysa flókin verkefni
Pressan
Fyrir 2 dögum

Segja að stefna Trump í umhverfismálum hafi kostað mörg þúsund mannslíf

Segja að stefna Trump í umhverfismálum hafi kostað mörg þúsund mannslíf
Pressan
Fyrir 2 dögum

Sjáðu myndbandið: Sleppti börnunum fram af þriðju hæð

Sjáðu myndbandið: Sleppti börnunum fram af þriðju hæð
Pressan
Fyrir 3 dögum

Finnar grípa til harðra sóttvarnaaðgerða

Finnar grípa til harðra sóttvarnaaðgerða
Pressan
Fyrir 3 dögum

Tæplega helmingur kjósenda Trump mun styðja hann í nýjum flokki

Tæplega helmingur kjósenda Trump mun styðja hann í nýjum flokki
Pressan
Fyrir 3 dögum

Greip þá glóðvolga í trekanti

Greip þá glóðvolga í trekanti