Við getum byrjað að lifa venjulegu lífi næsta vor án kórónuveirunnar. Þetta er eflaust eitthvað sem margir vilja heyra og vona svo sannarlega að reynist rétt og þó fyrr væri. Jens Spahn, heilbrigðisráðherra Þýskalands, er svona bjartsýnn og segist reikna með að næsta vor verði búið að ná upp hjarðónæmi í Þýskalandi og þar með sigra kórónuveirunnar.

„Þar með lýkur faraldrinum,“ sagði hann í samtali við dagblaðið Augsburger Allgemeine. „Ef það koma ekki ný afbrigði fram sem bóluefnin veita ekki vernd gegn, sem er mjög ólíklegt, þá munum við hafa sigrast á faraldrinum í vor og getum snúið aftur til eðlilegs lífs,“ sagði hann.

„Hjarðónæmi mun nást. Spurningin er bara hvort það verður með bólusetningu eða smiti. Bólusetningar eru án nokkurs vafa rétta leiðin,“ sagði hann.