fbpx
Laugardagur 24.október 2020
Pressan

Heimsfaraldur kórónuveirunnar hefur verið Elísabetu II dýr

Kristján Kristjánsson
Sunnudaginn 27. september 2020 08:30

Elísabet II.

Ekki missa af Helstu tíðindum dagsins í pósthólfið þitt

Lesa nánar

Fyrirtækið The Crown Estate, sem sér um rekstur fasteigna bresku konungshirðarinnar, hefur farið illa út úr heimsfaraldri kórónuveirunnar. Fyrirtækið verður nú að færa verðmæti niður um sem svarar til tugi milljarða íslenskra króna.

Samkvæmt frétt The Guardian verður fyrirtækið að færa verðmat eigna sinna niður um 550 milljónir punda en það svarar til um 97 milljarða íslenskra króna. Þetta kom fram þegar fyrirtækið lagði ársreikning sinn fram nýlega.

Reksturinn skilaði 345 milljónum punda í hagnað á síðasta rekstrarári. Eignir The Crown Estate eru nú metnar á 13,4 milljarða punda. Fyrirtækið á stór landsvæði í Englandi, Skotlandi og Wales auk fasteigna í miðborg Lundúna, þar á meðal hina þekktu verslunargötu Regent Street. Þess utan eru persónulegar eignir konungsfjölskyldunnar og Windsor Park.

Fyrirtækið á landgrunnið 22 kílómetra út frá ströndum Bretlands en það tryggir fyrirtækinu miklar tekjur árlega.

Ástæðan fyrir niðurfærslu eignaverðmætisins er aðallega samdráttur í leigutekjum vegna heimsfaraldursins.

Konungsfjölskyldan hefur ekki beinan aðgang að eignum fyrirtækisins og hefur ekkert með daglegan rekstur þess að gera. Fyrirtækið er rekið sem opinbert fyrirtæki sem sér um rekstur eigna konungshirðarinnar. Megnið af hagnaði þess rennur í ríkissjóð sem fékk 3 milljarða punda í arðgreiðslu frá fyrirtækinu á síðasta ári. Fjórðungur hagnaðarins rennur þó til konungsfjölskyldunnar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fyrir 2 dögum

Mokveiði ennþá í Eystri Rangá

Mokveiði ennþá í Eystri Rangá
Pressan
Fyrir 2 dögum

Rúmlega 100.000 Kaliforníubúar hafa keypt sér skotvopn vegna COVID-19

Rúmlega 100.000 Kaliforníubúar hafa keypt sér skotvopn vegna COVID-19
Pressan
Fyrir 3 dögum

Skelfileg mannréttindabrot í Katar þrátt fyrir fögur fyrirheit gestgjafa næsta HM í knattspyrnu

Skelfileg mannréttindabrot í Katar þrátt fyrir fögur fyrirheit gestgjafa næsta HM í knattspyrnu
Pressan
Fyrir 3 dögum

Macron boðar hertar aðgerðir gegn öfgasinnuðum múslimum

Macron boðar hertar aðgerðir gegn öfgasinnuðum múslimum
Pressan
Fyrir 3 dögum

Ævintýrið breyttist í dularfulla martröð? Af hverju gerðu þau þetta?

Ævintýrið breyttist í dularfulla martröð? Af hverju gerðu þau þetta?
Pressan
Fyrir 4 dögum

Göngukona fannst á lífi eftir 14 daga í óbyggðum

Göngukona fannst á lífi eftir 14 daga í óbyggðum