fbpx
Fimmtudagur 29.október 2020
Pressan

Fjögur morð í Danmörku og Svíþjóð á nokkrum klukkustundum

Kristján Kristjánsson
Föstudaginn 18. september 2020 05:40

Myndin tengist fréttinni ekki beint. Mynd úr safni.

Ekki missa af Helstu tíðindum dagsins í pósthólfið þitt

Lesa nánar

Fjögur morð voru framin í Danmörku og Svíþjóð á nokkrum klukkustundum í gærkvöldi og er því óhætt að segja að kvöldið hafi verið blóðugt.

Í Danmörku var ungur maður stunginn til bana í Gundsømagle seint í gærkvöldi. Talsmaður lögreglunnar sagði í samtali við Ekstra Bladet að þetta hafi gerst á götu úti. Vitni voru að morðinu en enginn hefur verið handtekinn vegna málsins.

Í Svíþjóð var maður skotinn til bana nærri skóla í Nyköping á tólfta tímanum í gærkvöldi. Tilkynnt var um skothvelli við skólann um klukkan 23.30. Lögreglan fann særðan mann á vettvangi og var hann strax fluttur á sjúkrahús en hann lést af völdum áverka sinna í nótt. Enginn hefur verið handtekinn vegna málsins en lögreglan leitar að nokkrum grunuðum vegna rannsóknar málsins.

Á ellefta tímanum í gærkvöldi fannst 55 ára karlmaður látinn í fjölbýlishúsi í Märsta. Einn hefur verið handtekinn, grunaður um morðið, og kona var handtekin, grunuð um aðild að morðinu. Talið er að deilur á milli viðkomandi hafi endað með að maðurinn var myrtur.

Í Nyfors í Eskilstuna var maður skotinn til bana á áttunda tímanum í gærkvöldi. Aftonbladet segist hafa heimildir fyrir að skotið hafi verið á hann úr bíl en lögreglan hefur ekki viljað staðfesta það. Maðurinn var fluttur á sjúkrahús þar sem hann lést skömmu síðar. Mörg vitni voru á vettvangi en enginn hefur verið handtekinn vegna málsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Fauci talar gegn Trump – Segir bólusetningu taka marga mánuði

Fauci talar gegn Trump – Segir bólusetningu taka marga mánuði
Pressan
Fyrir 2 dögum

Ævintýrið er á enda eftir aðeins sex mánuði – Efnisveitan gafst upp

Ævintýrið er á enda eftir aðeins sex mánuði – Efnisveitan gafst upp
Pressan
Fyrir 3 dögum

Það eru fleiri en Trump og Biden í framboði í bandarísku forsetakosningunum

Það eru fleiri en Trump og Biden í framboði í bandarísku forsetakosningunum
Pressan
Fyrir 3 dögum

Há dánartíðni í Bandaríkjunum – Tæplega 300.000 fleiri en vænta mátti

Há dánartíðni í Bandaríkjunum – Tæplega 300.000 fleiri en vænta mátti