Óvæntar atvinnuleysistölur bárust frá Bandaríkjunum í gær. 960.000 manns skráðu sig atvinnulausa vikuna á undan. Þetta eru auðvitað mjög margir en þykir samt ekki svo slæmt því reiknað hafði verið með að 1,1 milljón myndi skrá sig.

Það virðist því sem vinnumarkaðurinn sé að taka hægt og rólega við sér miðað við þessar tölur frá U.S. Department of Labor.

Þetta er í fyrsta sinn síðan heimsfaraldurinn braust út sem fjöldi nýskráðra atvinnulausra á einni viku er minni en ein milljón.