fbpx
Laugardagur 05.desember 2020
Pressan

Mesti samdráttur bandaríska hagkerfisins í 70 ár

Kristján Kristjánsson
Föstudaginn 31. júlí 2020 14:05

Margir glíma við fátækt í Miami eins og annars staðar í Bandaríkjunum. Mynd: Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Verg þjóðarframleiðsla í Bandaríkjunum dróst saman um 9,5 prósent á milli fyrsta og annars ársfjórðungs. Þetta er mesti samdráttur sem mælst hefur á þeim rúmlega 70 árum sem tölfræði yfir þetta hefur verið tekin saman.

Washington Post skýrir frá þessu. Meginástæðan fyrir þessum mikla samdrætti er heimsfaraldur kórónuveirunnar og þær afleiðingar sem hann hefur á efnahagslífið.

Samdrátturinn er svipaður og í Þýskalandi en þar var hann 10,1 prósent.

Sérfræðingar segja að þessar tölur þýði að bandarískt efnahagslíf hafi í raun verið fært fimm ár aftur í tímann.

Stærsti hluti samdráttarins átti sér stað í upphafi ársfjórðungsins þegar efnahagslífið var nær algjörlega frosið. Einkaneysla dróst saman um 35 prósent á örfáum dögum. Hún jókst þó aðeins í maí og júní.

Líklegt má telja að hagkerfið vaxi nú á þriðja ársfjórðungi. Auk þessa mikla samdráttar eru atvinnuleysistölurnar skelfilegar. Í síðustu viku skráðu 1,43 milljónir vinnufærra manna sig á atvinnuleysisskrá.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 4 dögum

Skotar vilja þjóðaratkvæðagreiðslu um sjálfstæði sem fyrst

Skotar vilja þjóðaratkvæðagreiðslu um sjálfstæði sem fyrst
Pressan
Fyrir 4 dögum

Bretar segjast hafa náð stjórn á kórónuveirufaraldrinum á nýjan leik

Bretar segjast hafa náð stjórn á kórónuveirufaraldrinum á nýjan leik