Agnes, 17 ára, hvarf frá heimili sínu aðfaranótt 26. janúar. Sídegis þann dag sást til hennar í verslunarmiðstöð en upptaka úr eftirlitsmyndavélum sýnir að hún var í verslunarmiðstöðinni. Síðan er ekkert vitað um hana eða hvar hún getur verið. Lögreglan óttast að hún hafi ekki látið sig hverfa af sjálfsdáðum.

Agnes býr í Mora í Svíþjóð og það var þaðan sem hún hvarf fyrrgreinda nótt. Hún sást síðan í verslunarmiðstöð í Sollentuna. Aftonbladet skýrir frá þessu. Blaðið segist hafa heimildir fyrir að upplýsingar í málinu bendi til að hún hafi ekki látið sig hverfa af fúsum og frjálsum vilja. Lögreglan hefur nú hert leitina að Agnesi og vinnur út frá þeirri kenningu að Agnesi hafi verið rænt.

Þar sem grunur leikur á að um mannrán sé að ræða hefur sú deild sænsku ríkislögreglunnar sem rannsakar alþjóðlega- og skipulagða glæpastarfsemi tekið við rannsókn þess.

Agnes er 155 sm á hæð. Hún er með axlasítt ljósbrúnt hár með ljósum lokkum. Hún er bláeygð.