Föstudagur 24.janúar 2020
FréttirPressan

Var kjarnorkutilraunum Norður-Kóreu sjálfhætt? Segja að tilraunastöðin sé hrunin

Kristján Kristjánsson
Fimmtudaginn 26. apríl 2018 06:11

Kim Jong-un einræðisherra í Norður-Kóreu er útsjónarsamur.

Ekki missa af Helstu tíðindum dagsins í pósthólfið þitt

Lesa nánar

Það vakti mikla ánægju víða um heim þegar stjórnvöld í Norður-Kóreu tilkynntu 21. apríl að þau hefðu ákveðið að loka kjarnorkutilraunastöð sinni og hætta öllum tilraunum með kjarnorkuvopn og eldflaugar. Það fygldi sögunni að landið væri komið svo langt í þróun kjarnorkuvopna að ekki væri þörf á frekari tilraunum.

En getur hugsast að þessi „ákvörðun“ hafi verið tekin af þeirri enföldu ástæðu að kjarnorkutilraunasvæði einræðisstjórnarinnar var hrunið? Vísindamenn hjá Vísinda- og tækniháskóla Kína hafa nú birt greiningar á neðanjarðar kjarnorkutilraunssvæði Norður-Kóreu og er niðurstaða þeirra að Punggye-ri tilraunasvæðið hafi hrunið saman og sé ónothæft með öllu.

Sky er meðal þeirra erlendu fjölmiðla sem skýra frá þessu í dag. Niðurstaða kínversku vísindamannanna er að stórir hlutar tilraunastöðvarinnar, sem er inni í fjalli, hafi hrunið saman átta og hálfri mínútur eftir að kjarnorkusprengja var sprengd þar í september. Jarðvísindamenn höfðu lengi varað við að þetta gæti gerst. Nú er því ekki lengur hægt að gera tilraunir með kjarnorkuvopn í tilraunastöðinni og mikil hætta er talin á að geislavirk efni berist frá henni.

Jarðskjálftar og sprengingar

Kínversku vísindamennirnir benda á að endurteknar tilraunasprengingar og jarðskjálftar hafi valdið því að tilraunastöðin hrundi saman.

Það virðist sem allt hafi farið úr skorðum aðfaranótt 3. september en þá tilkynntu Suður-Kórea og Japan að kjarnorkusprengja hefði verið sprengd í Punggye-ri en þá mældist jarðskjálfti upp á 6,3 á svæðinu.

Stjórnvöld í Norður-Kóreu skýrðu síðan frá því að þau hefðu þróað vetnissprengju sem búi yfir gríðarlegum eyðileggingarmætti. Kim Jong-un var sagður hafa skoðað sprengjuna sem að sögn var hægt að koma fyrir á langdrægum eldflaugum. Þetta hafa sérfræðingar þó efast um að sé rétt.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 23 klukkutímum

Byrjuðu að mála Eyrarsundsbrúna í síðustu viku – Tekur 13 ár

Byrjuðu að mála Eyrarsundsbrúna í síðustu viku – Tekur 13 ár
Pressan
Í gær

Töldu bréfið sönnun þess að hann hefði stokkið: Nú er talið að hann hafi sviðsett eigið andlát

Töldu bréfið sönnun þess að hann hefði stokkið: Nú er talið að hann hafi sviðsett eigið andlát
Pressan
Í gær

„Kynslóðin mín hefur klúðrað þessu. Vandinn er staðreynd.“

„Kynslóðin mín hefur klúðrað þessu. Vandinn er staðreynd.“
Pressan
Í gær

Bandarískur efnahagur í hættu – Margar hættur leynast undir yfirborðinu

Bandarískur efnahagur í hættu – Margar hættur leynast undir yfirborðinu
Pressan
Fyrir 3 dögum

Nú getur hleðslutækið þitt orðið ónothæft

Nú getur hleðslutækið þitt orðið ónothæft
Pressan
Fyrir 3 dögum

Handtekinn eftir að hafa játað í beinni útsendingu í sjónvarpi að hafa myrt unnustu sína

Handtekinn eftir að hafa játað í beinni útsendingu í sjónvarpi að hafa myrt unnustu sína