fbpx
Miðvikudagur 20.mars 2019

DV - Frjáls og óháður miðill

FréttirPressan

Fór á stefnumót – Síðan fékk hún bréf með póstinum

Kristján Kristjánsson
Fimmtudaginn 26. apríl 2018 07:36

Amanda Burnett og bréfið. Mynd: Amanda Burnett/Instagram

Ekki missa af Helstu tíðindum dagsins í pósthólfið þitt

Lesa nánar

Amanda Burnett, 23 ára bandarísk kona, birti nýlega mynd á Twitter og Facebook af bréfi sem hún fékk með pósti í kjölfar stefnumóts sem hún fór á í heimaríki sínu Indiana. Margir hafa skemmt sér vel yfir bréfinu en öðrum finnst fátt fyndið við það og telja sendanda bréfsins vera í fullum rétti.

Amanda var boðið á stefnumót á veitingastaðnum The Tap. Eftir máltíðina skildust leiðir hennar og mannsins sem bauð henni á stefnumótið. Nokkrum vikum fékk hún síðan bréfið umtalaða frá manninum sem bauð henni á stefnumótið.

Bréfið var í raun reikningur þar sem hún var krafin um greiðslu á helmingi kostnaðarins við máltíðina og drykki því hún hefði hætt að svara manninum eftir stefnumótið. ABC skýrir frá þessu.

„Maður sendi mér reikning fyrir máltíð, sem við borðuðum saman fyrir nokkrum vikum, af því að ég svaraði ekki skilaboðum hans. Það er ekki hægt að skálda þetta.“

Skrifaði Amanda á Twitter.

Reikningurinn hljóðaði upp á 40 dollara sem svara til um 4.000 íslenskra króna.

Amanda segir að fljótlega eftir að hún fékk reikninginn hafi maðurinn sent henni skilaboð og sagt að hún ætti á hættu að fá ítrekun með tilheyrandi aukakostnaði ef hún greiddi ekki reikninginn. Einnig gæti farið svo að hann myndi fela innheimtufyrirtæki að sjá um innheimtuna.

Misjöfn viðbrögð

Viðbrögð fólks við málinu hafa verið mismunandi. Sumum finnst krafa mannsins um greiðslu vera ósanngjörn en aðrir telja að Amanda eigi að greiða sinn hluta af reikningnum.

Daniel Post Senning, sérfræðingur í siðareglum, blandaði sér í umræðuna og í samtali við Business Insider sagði hann að venjan væri að sá sem býður á stefnumót borgi. Hann benti þó á að nú væri heimurinn orðinn þannig að fólk skipti oft reikningnum með sér, bæði þegar það er í föstu sambandi eða á fyrsta stefnumóti. Að hans mati ber það merki hefnigirni að senda reikning með pósti í kjölfar stefnumóts.

Amanda hefur nú eytt færslum sínum af Twitter. Hugsanlega hafa þung orð sem féllu í hennar garð orðið til þess að hún vildi ljúka málinu.

Margir skrifuðu athugasemdir við færslu hennar og sögðu að hún hefði átt að vera heiðarleg og segja manninum að hún hefði ekki áhuga á honum. Hún var einnig gagnrýnd fyrir að hafa ekki haft manndóm í sér til að skrifa honum og þakka fyrir stefnumótið og segja að ekki yrði meira úr þessu hjá þeim.

Enn aðrir telja að hún hafi aðeins verið á höttunum eftir ókeypis máltíð.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Drekkti dóttur sinni: „Ég vil ekki fara í bað mamma. Ég vil ekki bað“

Drekkti dóttur sinni: „Ég vil ekki fara í bað mamma. Ég vil ekki bað“
Pressan
Í gær

Ógnarstór sprenging varð í gufuhvolfinu í desember en enginn virðist hafa séð hana

Ógnarstór sprenging varð í gufuhvolfinu í desember en enginn virðist hafa séð hana
Pressan
Í gær

Skotum hleypt af víða í Utrecht – Ekki vitað hver eða hverjir standa að baki árásunum – Útiloka ekki fleiri árásir

Skotum hleypt af víða í Utrecht – Ekki vitað hver eða hverjir standa að baki árásunum – Útiloka ekki fleiri árásir
Pressan
Fyrir 2 dögum

Manntjón í árásinni í Utrecht – Ekki útilokað að um hryðjuverk sé að ræða – Tveir árásarmenn sagðir ganga lausir

Manntjón í árásinni í Utrecht – Ekki útilokað að um hryðjuverk sé að ræða – Tveir árásarmenn sagðir ganga lausir
Pressan
Fyrir 2 dögum

Flaggskip Boeing flýgur ekki þessa dagana – Getur orðið mjög dýrkeypt

Flaggskip Boeing flýgur ekki þessa dagana – Getur orðið mjög dýrkeypt
Pressan
Fyrir 4 dögum

Fékk áfall þegar hann sá hvað var undir peningaskápnum

Fékk áfall þegar hann sá hvað var undir peningaskápnum