Aðalmeðferð var 7. apríl við Héraðsdóm Reykjaness yfir tæplega þrítugum manni sem ákærður er fyrir sérstaklega hættulega líkamsárás.
Er manninum gefið að sök að hafa aðfaranótt sunnudagsins 10. júlí 2022, á tónleikasvæði fjölskylduhátíðarinnar Kótelettunnar, í Hrísmýri á Selfossi, sparkað endurtekið og stappað á höfuð manns sem lá í jörðinni. Brotaþolinn hlaut áverka víðsvegar á höfði, þar á meðal vinstra auga og vinstri kjálka.
Fyrir hönd brotaþola er gerð miskabótakrafa að fjárhæð 800 þúsund krónur.
