fbpx
Föstudagur 19.apríl 2024
Fréttir

Samgöngustofa skoðar mál leigubílstjórans sem grunaður er um nauðgun – Hélt áfram akstri eftir að málið kom upp

Ágúst Borgþór Sverrisson
Þriðjudaginn 20. febrúar 2024 13:00

Ekki missa af Helstu tíðindum dagsins í pósthólfið þitt

Lesa nánar

Samgöngustofa hefur óskað eftir upplýsingum hjá lögreglu um mál erlends leigubílstjóra sem handtekinn var fyrr í mánuðinum, grunaður um að hafa í samverknaði með öðrum manni, nauðgað farþega, ungri konu. Mönnunum var sleppt lausum að lokinni yfirheyrslu.

Umræddur bílstjóri er hælisleitandi. Maðurinn ók á vegum stöðvarinnar City Taxi Reykjavík. Sigtryggur Arnar Magnússon, framkvæmdastjóri City Taxi Reykjavík, greindi frá því um helgina á Vísir.is að maðurinn væri ekki lengur starfandi á stöðinni vegna málsins. Sú ákvörðun var tekin um helgina.

Fyrir liggur að maður hélt áfram akstri leigubíls eftir að hann var handtekinn og yfirheyrður vegna gruns um nauðgun. Óvíst er hvort hann er í akstri ennþá en misvísandi ábendingar hafa borist um það og sumar sannanlega ekki reynst réttar.

Svo virðist hins vegar að samkvæmt lögum um leigubílaakstur sem tóku gildi í loks árs 2022 þá sé ekkert sem varni því að maðurinn keyri áfram leigubíl. Ein mikilvægasta lagabreytingin var sú að leigubílstjórar þurfa ekki lengur að vera skráðir á leigubílastöð og geta keyrt á eigin vegum. Ljóst er að leyfi hefur enn ekki verið tekið af manninum.

Meðal skilyrða sem þarf til að fá leyfi til aksturs leigubíls er eftirfarandi:

„Gott orðspor með tilliti til refsiverðrar háttsemi. Bíða þarf í tíu ár eftir leyfi frá dómi ef brot er stórfellt. Annars þurfa að líða fimm ár. Þeir sem hafa gerst sekir um kynferðisbrot geta ekki fengið leyfi.“

Erfitt er að sjá í fljótu bragði að þetta ákvæði komi í veg fyrir að bílstjóri sem grunaður er um nauðgun en hefur ekki verið ákærður missi starfsleyfi sitt. Almannahætta af því að slíkur aðili haldi áfram akstri leigubíls er hins vegar augljós.

DV bar málið undir samskiptastjóra Samgöngustofu, Þórhildi Elínardóttur. Málið er í skoðun hjá Samgöngustofu. Þórhildur segir í skriflegu svari sínu:

„Samgöngustofa hefur óskað eftir upplýsingum frá lögreglu um það mál sem verið hefur til umfjöllunar í fjölmiðlum. Samhliða er stofnunin að skoða þau úrræði sem nýleg lög um leigubifreiðaakstur heimila.“

Sjá einnig: Segir nýja og óhugnanlega tegund af leigubílstjórum hóta farþegum – „Ég veit hvar þú átt heima“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Hvað má barnið heita? – Herkúles en ekki Boom

Hvað má barnið heita? – Herkúles en ekki Boom
Fréttir
Í gær

Stefnir í miklar úrbætur á stöðu leigjenda á Íslandi – Þetta eru helstu skyldurnar sem munu falla á herðar leigusala

Stefnir í miklar úrbætur á stöðu leigjenda á Íslandi – Þetta eru helstu skyldurnar sem munu falla á herðar leigusala
Fréttir
Í gær

Halla tjáir sig um ferilskrána: „Ég hef enga ástæðu til að ýkja eitt eða neitt í mínum bakgrunni“

Halla tjáir sig um ferilskrána: „Ég hef enga ástæðu til að ýkja eitt eða neitt í mínum bakgrunni“
Fréttir
Í gær

Tveir nýir meðeigendur hjá Expectus

Tveir nýir meðeigendur hjá Expectus