fbpx
Mánudagur 15.apríl 2024
Fréttir

Segir að Ísland sé sérstaklega auglýst fyrir hælisleitendur og um skipulagða starfsemi sé að ræða

Eyjan
Sunnudaginn 12. febrúar 2023 12:09

Sigmundur Davíð Gunnlaugsson/Skjáskot úr útsendingu RÚV

Ekki missa af Helstu tíðindum dagsins í pósthólfið þitt

Lesa nánar

Sigmundur Davíð Gunnlaugsson, formaður Miðflokksins, segir að Ísland hafi gert sig að vinsælli söluvöru á heimsmælikvarða varðandi ferðir hælisleitanda til Vesturlanda og að ásóknin til Íslands sé hlutfallslega sú mesta í heimi. Í færslu á Facebook-síðu sinni birti hann samfélagsmiðlaauglýsingu ferðaskrifstofunni Air Viajes í Venesúela þar sem greint er frá þeim fríðindum sem í boði eru á Íslandi. Þar á meðal að menntakerfið og velferðarkerfið sé,fyrsta flokks, lágmarkstekjur séu frá 3.500 og upp í 6.000 bandaríkja dali og að vikulegur fjárstuðningur í vissan tíma sé tryggður. Fullyrðir Sigmundur Davíð ennfremur að um skipulagða starfsemi sé að ræða og að sömu aðilar séu með svipaða starfsemi í Palestínu.

Segir að í óefni stefni í „stjórnlausum málaflokki“

Alls sóttu um 1.200 mans um hæli frá Venesúela á síðasta ári og í janúarmánuði á þessu ári voru umsóknirnar alls 204 talsins. Ástæðuna má rekja til úrskurðar kærunefndar útlendingamála síðasta sumar þar sem komist var að þeirri niðurstöðu að hælisleitendur frá Venesúela bæri að fá viðbótarvernd hér á landi.

Rétt er að geta þess að komið hefur fram að atvinnuþátttaka hælisleitenda frá Venesúela er afar góð en fjöldinn hefur skapað álag á fasteignamarkaðinn sem og heilbrigðis- og menntakerfið.

Sigmundur birti færsluna rétt áður en en settist í sjónvarpssal í Silfrinu og þar kom hann málinu á dagskrá. Sagði hann að málaflokkurinn væri orðinn „algjörlega stjórnlaus“ og að í óefni væri að stefna.

Málið hefur verið mikið rætt á Alþingi undanfarnar vikur vegna útlendingafrumvarps Jóns Gunnarssonar, dómsmálaráðherra, sem þykir afar umdeilt og er sagt að brjóta á mannréttindum hælisleitenda með margvíslegum hætti.

Ólína K. Þorvarðardóttir, prófessor, var meðal gesta í Silfrinu og ljóst er að henni þótti ekki mikil til málflutnings Sigmundar Davíðs koma.

„Er þetta röksemd fyrir því að skerða réttindi fólks og hafa ekki siðlegt umhverfi um móttöku flóttamanna og hælisleitenda. Hvert er samhengið í þessum málflutningi?,“ spurði Ólína.

Svaraði Sigmundur Davíð því til að samhengið væri það að Íslendingar þyrftu að innleiða kerfi eins og í Danmörku þar sem stjórn væri komið á hverjum væri boðið til landsins til að geta gert sem mest gagn.

 

Hér má sjá myndbandið sem Sigmundur Davíð birti

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Starfsfólk hetjur sem eigi hrós skilið – „Ég á varla til orð til að lýsa aðdáun minni“

Starfsfólk hetjur sem eigi hrós skilið – „Ég á varla til orð til að lýsa aðdáun minni“
Fréttir
Í gær

Átján milljón króna hringur til sölu í Costco

Átján milljón króna hringur til sölu í Costco
Fréttir
Fyrir 3 dögum

Sakfelldur fyrir ítrekuð kynferðisbrot gegn börnum – Áreitti 13 ára stúlku í kirkju og spurði hvort þau ættu að gera „þetta“

Sakfelldur fyrir ítrekuð kynferðisbrot gegn börnum – Áreitti 13 ára stúlku í kirkju og spurði hvort þau ættu að gera „þetta“
Fréttir
Fyrir 3 dögum

Lögreglan lýsir eftir Fadi að beiðni barnaverndaryfirvalda

Lögreglan lýsir eftir Fadi að beiðni barnaverndaryfirvalda
Fréttir
Fyrir 3 dögum

Slaufaður knapi endurreistur – Brottrekstur úr landsliði dæmdur óheimill

Slaufaður knapi endurreistur – Brottrekstur úr landsliði dæmdur óheimill
Fréttir
Fyrir 3 dögum

Undirskriftasöfnunin gegn Bjarna Ben – Fjöldinn nálgast 30 þúsund

Undirskriftasöfnunin gegn Bjarna Ben – Fjöldinn nálgast 30 þúsund