fbpx
Fimmtudagur 08.desember 2022
Fréttir

Skuggalegar vendingar í stríðinu valda Íslendingum ugg og ótta – „Jæja þá er það styrjöldin“

Ritstjórn DV
Þriðjudaginn 15. nóvember 2022 21:02

Mynd/Getty

Ekki missa af Helstu tíðindum dagsins í pósthólfið þitt

Lesa nánar

Þau tíðindi bárust núna í kvöld að rússneskt flugskeyti er sagt hafa hæft þorp í austanverðu Póllandi nærri landamærunum við Úkraínu. Pólska ríkisstjórnin situr nú á neyðarfundi en rússneska varnarmálaráðuneytið hefur þó hafnað því að hafa skotið flugskeytunum og kallar fréttir pólskra miðla af atvikinu viljandi tilraun til stigmögnunar.

Talið er að tveir hafi látið lífið í Póllandi en enn er verið að reyna að ná utan um atvikið og greina hvað átti sér stað og með hvaða afleiðingum.

Pólland er í Atlantshafsbandalaginu, NATO og spurningin á allra vörum er núna hvort að talið verður að í þessu atviki hafi falist árás Rússa á NATÓ-ríki.

Telja margir að hér geti orðið kaflaskil í stríði Rússa og Úkraínu og óttast fólk að hér hafi jafnvel orðið upphafið að þriðju heimsstyrjöldinni.

Ein stærsta árás Rússa á Úkraínu átti sér stað í dag og er talið að á níunda tug eldflaugum hafi verið skotið á skotmörk víða um landið og er stór hluti landsins nú rafmagns- og netlaus. Margar flaugar voru skotnar niður en margar hæfðu skotmörk sín.

Velta menn því fyrir sér hvort loftvarnakerfi Úkraínu hafi valdið því að eldflaug fór yfir landamærin til Póllands.

Volodimír Selenskí, forseti Úkraínu, sagði í kvöld að því lengur sem Rússlandi upplifi sig friðhelga, þeim mun fleiri stafi ógn af þeim. Hann sagði þetta atvik í dag vera alvarlegar stigmögnum og við því verði að bregðast.

Samkvæmt Reuters segist Hvíta Húsið í Bandaríkjunum ekki geta staðfest fréttirnar frá Póllandi og unnið sé með pólskum yfirvöldum að því að afla frekari  upplýsinga.

Þorgerður Katrín Gunnarsdóttir hefur óskað eftir fundi strax í utanríkismálanefnd vegna atviksins.

Varaborgarfulltrúinn Pawel Bartoszek segir stjórnarmenn í Póllandi hvetja til stillingar. Enn þurfi að komast að því hvað gerðist áður en viðbrögð eru ákveðin.

Forseti Litháen segir að þjóð hans standi með Póllandi og hverja einustu ögn af yfirráðasvæði Nató verði að vernda.

Utanríkisráðherra Lettlands tók í sama streng og sagði að um alvarlega stigmögnum væri að ræða og að Lettlandi standi með Póllandi og muni styðja við öll þau viðbrögð sem Pólland muni mögulega grípa til í framhaldinu.

Íslendingar fylgjast óttaslegnir með fréttum núna og velta fyrir sér hvort í dag hafi ný styrjöld hafist. Myllumerkið WWIII er núna vinsælt á Twitter.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Pútín ók sigurreifur yfir brúna sína en var niðurlægður af litlum drónum

Pútín ók sigurreifur yfir brúna sína en var niðurlægður af litlum drónum
Fréttir
Í gær

Segja þetta einn stærsta ósigur Rússa í stríðinu

Segja þetta einn stærsta ósigur Rússa í stríðinu
Fréttir
Í gær

Árás fyrir utan Laugarnesskóla – Kvöldganga með hundinn endaði með skelfingu

Árás fyrir utan Laugarnesskóla – Kvöldganga með hundinn endaði með skelfingu
Fréttir
Í gær

Íslenskt klám í sjúkrabíl var til skoðunar hjá SHS – Segjast líta málið alvarlegum augum

Íslenskt klám í sjúkrabíl var til skoðunar hjá SHS – Segjast líta málið alvarlegum augum
Fréttir
Fyrir 2 dögum

Búðarþjófur hrækti í andlit afgreiðslumanns

Búðarþjófur hrækti í andlit afgreiðslumanns
Fréttir
Fyrir 2 dögum

Nafn skipverjans sem er saknað

Nafn skipverjans sem er saknað