fbpx
Mánudagur 27.september 2021
Fréttir

Íslenskt klámmyndband í Dominos-búningi – „Við erum stoltir stuðningsaðilar allra“

Máni Snær Þorláksson
Mánudaginn 17. maí 2021 15:00

Skjáskot/Twitter

Ekki missa af Helstu tíðindum dagsins í pósthólfið þitt

Lesa nánar

OnlyFans hefur verið mikið í umræðunni hér á landi upp á síðkastið. Þau Ósk Tryggvadóttir og Ingólfur Valur Þrastarson starfrækja bæði hvort sína síðuna á miðlinum. Þau vöktu mikla athygli í apríl í kjölfar þess að hlaðvarpið Eigin konur birti viðtal við þau. Nú vekja þau aftur athygli, í þetta skipti vegna notkunar á Domino’s-búningi í klámmyndbandi sem þau gerðu.

OnlyFans er síða sem gerir notendum kleift að selja efni sitt til áskrifenda gegn mánaðarlegu gjaldi. Algengasta efnið þar er án efa nektar- og kynlífsefni en það er þó ekki það eina sem dregur fólk að síðunni. Yfirleitt er efnið þó á einhvern hátt kynferðislegt og er það raunin í efninu sem Ósk og Ingólfur birta.

Nýlega birtu þau, og fleiri Íslendingar sem vinna við að framleiða efni fyrir OnlyFans, myndband þar sem sjá mátti Ingólf í vinnubúningi frá Domino’s á Íslandi. Notkun búningsins vakti athygli en DV fékk sendar ábendingar um málið. Á Twitter-síðu þeirra beggja má sjá eins konar stiklu fyrir klámmyndbandið og þar bregður búningnum fyrir.

„STÓRA AFMÆLIS ORGÍU MYNDBANDIÐ MITT ER KOMIÐ ÚT Á ONLYFANS-SÍÐUNNI MINNI,“ skrifar Ósk með stiklunni. Ásamt Ósk og Ingólfi eru nokkrar aðrar íslenskar stelpur í stiklunni. Stiklan er ekki við hæfi viðkvæmra en þar má sjá ýmis konar kynlíf, munnmök og fleira.

„Þætti vænt um ef það væri spurt næst um leyfi“

DV ræddi við Ásmund Atlason, fjölmiðlafulltrúa hjá Domino’s á Íslandi, um málið. „Það er engin einhver opinber afstaða sem við tökum gagnvart þessu,“ segir Ásmundur en ekki er vitað hvaðan búningurinn kom. „Við vitum ekki hvaðan búningarnir koma, það er þannig að það þarf að heyra í næsta yfirmanni þegar búningar eru lánaðir út og þá er tekin ákvörðun um það hvort búningarnir séu lánaðir eða ekki.“

Ásmundur grípur svo í einkennisorðin sem Domino’s hefur notað hér á landi undanfarið, að fyrirtækið sé stoltur stuðningsaðilar allra. „Svo er það þannig að við erum stoltir stuðningsaðilar allra og fólk gerir bara eins og því sýnist, það gerir það sem það vill gera. Það er engin skýr afstaða eða skoðun sem við höfum á þessu. Við erum ekki að fara að dæma einn né neinn fyrir eitthvað sem þau eru að gera, ef það veitir þeim hamingju og þeim líður vel að gera það þá styðjum við það.“

„Okkur þætti vænt um ef það væri spurt næst um leyfi,“ segir Ásmundur svo að lokum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Starfsemi gas- og jarðgerðarstöðvar Sorpu gæti stöðvast í allt að heilt ár

Starfsemi gas- og jarðgerðarstöðvar Sorpu gæti stöðvast í allt að heilt ár
Fréttir
Fyrir 2 dögum

Sigurður G. tjáir sig um kærurnar – „Kannski vill lögreglan gera húsleit“

Sigurður G. tjáir sig um kærurnar – „Kannski vill lögreglan gera húsleit“
Fréttir
Fyrir 2 dögum

14 ára sögu Harmageddon á Xinu 97.7 lýkur í dag

14 ára sögu Harmageddon á Xinu 97.7 lýkur í dag
Fréttir
Fyrir 2 dögum

„Er hugsanlegt að múta einhverjum?“ – Samherjamenn töluðu frjálslega um mútugreiðslur

„Er hugsanlegt að múta einhverjum?“ – Samherjamenn töluðu frjálslega um mútugreiðslur
Fréttir
Fyrir 4 dögum

Edda svarar fyrir sig eftir að Sigurður kallaði hana lygasjúka – „Galið að krefja fólk um einhver bull svör einungis til þess að þagga niður í fólki“

Edda svarar fyrir sig eftir að Sigurður kallaði hana lygasjúka – „Galið að krefja fólk um einhver bull svör einungis til þess að þagga niður í fólki“
Fréttir
Fyrir 4 dögum

Innhringjandinn sá að sér og baðst afsökunar – „Við höfðum öll einhverntímann gert mistök“

Innhringjandinn sá að sér og baðst afsökunar – „Við höfðum öll einhverntímann gert mistök“