Samherji bendir í í nýrri fréttatilkynnngu að uppljóstrarinn Jóhannes Stefánsson hafi aðeins afhent Wikileaks 42% af tölvupóstum sínum frá árunum 2014 og 2016. Hann virðist síðan ekki hafa afhent neina pósta frá árinu 2015. Samherji segir þetta ósamræmi tortryggilegt og spyr hvort ósamræmi sé á milli gagnanna sem voru afhent og þeirra sem haldið var eftir. Þá segir í tilkynningunni:

„Sú aðferð sem hér hefur verið beitt, að handvelja tölvupósta, hlýtur að vekja upp fleiri spurningar en hún svarar. Hvert var efni þeirra pósta sem ekki voru birtir? Hvers vegna voru þau tímabil sem um ræðir valin en ekki allt tímabilið? Er ósamræmi í þeim gögnum sem var sleppt og þeim sem hingað til hefur verið fjallað um?

Sú staðreynd að 58% af tölvupóstunum voru aldrei birt hlýtur að vera umhugsunarefni fyrir þá sem telja að frásögn Jóhannesar Stefánssonar sé rétt og sannleikanum samkvæm. Þeir fjölmiðlar sem fjallað hafa um málið þurfa líka að velta fyrir sér hvort þeir hafi aðeins séð þau gögn sem styðja frásögn heimildarmannsins en ekki heildarmyndina.“

Samherji birtir síðan meðfylgjandi graf yfir tölvupóstsendingarnar: