Meint verkfallsbrot hjá RÚV og Mbl.is verða kærð til félagsdóms, en fyrsta verkfall félagsmanna í Blaðamannafélagi Íslands á netmiðlum, var í dag.
Fyrsta vinnustöðvunin af þremur á netmiðlunum Vísi hjá Sýn, mbl.is hjá Árvakri, netfréttum Fréttablaðsins og myndatökumönnum Ríkissjónvarpsins stóð frá klukkan tíu í morgun til klukkan tvö. Verkfallsverðir fylgdust með því að ekkert efni væri sett á vefmiðla þeirra fjölmiðla sem stóðu í verkfallinu í þessa fjóra tíma.
Samkvæmt heimildum Fréttablaðsins sást tökumaður RÚV á skrifstofu Sýnar á meðan verkfallinu stóð. Fóru einnig að að birtast fréttir á mbl.is og duttu inn allar þær fjórar klukkustundir sem það stóð yfir. Í kvöldfréttum Stöðvar 2 sagði Guðni Einarsson, trúnaðarmaður á Morgunblaðinu, að sum þessara verka vera tvímælalaus verkfallsbrot, að þurfi að fá skorið úr því eftir réttum boðleiðum. „Það verður gert því Blaðamannafélagið mun kæra hin meintu brot til félagsdóms,“ segir Guðni.
Í yfirlýsingu frá hópi blaðamanna á mbl er fullyrt að þetta hafi verið gert með vilja og vitund ritstjóra og framkvæmdastjóra Morgunblaðsins. Guðni segir þetta vera „Mikil vonbrigði,“ og bætir við: „Allir sem voru á vakt á mbl.is lögðu niður störf klukkan tíu í morgun. En þá gengu blaðamenn af öðrum deildum og jafnvel í öðrum löndum inn í störf þeirra og fóru að skrifa á mbl.is.“
Sjá einnig: Blaðamenn Mbl.is ósáttir með ritstjóra og framkvæmdastjóra
