fbpx
Mánudagur 17.janúar 2022
Fréttir

Sigmar kveður Fabrikkuna og Keiluhöllina

Ragna Gestsdóttir
Föstudaginn 4. maí 2018 09:00

Sigmar Vilhjálmsson.

Ekki missa af Helstu tíðindum dagsins í pósthólfið þitt

Lesa nánar

Miklar breytingar hafa átt sér stað undanfarin misseri á eignarhaldi Hamborgarafabrikkunnar og Keiluhallarinnar í Egilshöll. Jóhannes Stefánsson, gjarnan kenndur við Múlakaffi, er orðinn meirihlutaeigandi félaganna en athafnamaðurinn Sigmar Vilhjálmsson hefur selt öll hlutabréf sín í félögunum.

Óhætt er að segja að um kaflaskil sé að ræða en Simmi og Jói (Jóhannes Ásbjörnsson), viðskiptafélagi hans og vinur, hafa verið andlit Fabrikkunnar frá því að fyrsti staðurinn var opnaður árið 2010. Sigmar mun þó ekki hverfa strax af vettvangi en samkvæmt heimildum DV mun hann gegna starfi framkvæmdastjóra Keiluhallarinnar og veitingastaðarins Shake & Pizza út þetta ár.

Rekstur Hamborgarafabrikkunnar hefur frá upphafi verið í gegnum fyrirtækið Nautafélagið ehf. Þar til í árslok 2017 áttu Sigmar og Jóhannes 35% hlut hvor í félaginu. Aðrir eigendur voru Skúli Gunnar Sigfússon, gjarnan kenndur við Subway, með 25% eignarhlut og Snorri Marteinsson, sem starfað hefur sem framkvæmdastjóri Fabrikkunnar undanfarin ár, með 5% hlut.

Þess má geta að talsvert hefur verið fjallað um deilur Sigmars og Skúla vegna lóða á Hvolsvelli og ljóst var að það var grunnt á því góða milli viðskiptafélaganna.

Rétt fyrir áramót seldu Sigmar, Jóhannes og Snorri hluti sína, alls 75%, til félagsins Gleðipinnar ehf., sem á og rekur Keiluhöllina, en eftir sat Skúli í Subway í minnihluta með sinn 25% hlut.

Snorri Marteinsson og Jóhannes Ásbjörnsson. Myndina birti Snorri, sem nú er í framboði til borgarstjórnar Reykjavíkur, á Facebook-síðu sinni þegar hann tilkynnti um að hann væri að hverfa úr hluthafahópi félaganna.

Úr borgurum í pólitík

Þremenningarnir áttu einnig hlut í Gleðipinnum ehf. Simmi og Jói áttu 26,67% hlut hvor, Jóhannes í Múlakaffi 15,83% hlut sem og hjónin Guðmundur Auðunn Auðunsson og Guðríður María Jóhannsdóttir. Að lokum átti áðurnefndur Snorri Marteinsson 5% hlut.

Á dögunum seldu síðan Sigmar og Snorri sinn hlut í Gleðipinnum ehf. til Jóhannesar í Múlakaffi. „Ég get staðfest að ég hef selt minn hlut. Það kom skyndilega upp en var gert í mesta bróðerni og vinsemd. Ég kveð sáttur,“ segir Snorri Marteinsson í samtali við DV. Snorri hefur heldur betur söðlað um en hann skipar 3. sæti á lista Höfuðborgarlistans fyrir komandi sveitarstjórnarkosningar í Reykjavík.

„Ég var með strákunum í Fabrikku-ævintýrinu frá upphafi og aðstoðaði þá með fjármögnun og gerð rekstraráætlana,“ segir Snorri, sem á og rekur ráðgjafarfyrirtækið SMART ráðgjöf ehf. Hann segir að það hafi aldrei verið ætlunin að hann tæki að sér framkvæmdastjórn veitingastaðanna, hlutirnir hafi einfaldlega æxlast þannig. „Þetta er búinn að vera frábær tími en núna er tímabært að snúa sér að öðrum verkefnum,“ segir Snorri. Hann kveðst bjartsýnn á góðan árangur Höfuðborgarlistans í komandi kosningum enda hafi viðtökurnar verið afar góðar.

Ekki náðist í Sigmar Vilhjálmsson við vinnslu fréttarinnar.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

1133 smit í gær samkvæmt bráðabirgðatölum

1133 smit í gær samkvæmt bráðabirgðatölum
Fréttir
Í gær

Ragnar Freyr kallar eftir nýrri nálgun og segir ólíklegt að hertu aðgerðirnar beri árangur – „Að þessu sinni erum við á leið út af sporinu“

Ragnar Freyr kallar eftir nýrri nálgun og segir ólíklegt að hertu aðgerðirnar beri árangur – „Að þessu sinni erum við á leið út af sporinu“
Fréttir
Fyrir 2 dögum

Bjartsýni eftir sigurinn gegn Portúal – Hvað getur Ísland náð langt á EM?

Bjartsýni eftir sigurinn gegn Portúal – Hvað getur Ísland náð langt á EM?
Fréttir
Fyrir 2 dögum

Dularfullt útkall sérsveitarinnar og sjúkrabíls að Sólvallagötu í nótt – Húsið er undir eftirliti lögreglu

Dularfullt útkall sérsveitarinnar og sjúkrabíls að Sólvallagötu í nótt – Húsið er undir eftirliti lögreglu
Fréttir
Fyrir 2 dögum
1.200 smit í gær
Fréttir
Fyrir 3 dögum

Alræmdir ofbeldismenn og undirheimahundar dregnir fyrir dóm – Myndbönd af ofbeldinu gengu um netheima

Alræmdir ofbeldismenn og undirheimahundar dregnir fyrir dóm – Myndbönd af ofbeldinu gengu um netheima
Fréttir
Fyrir 3 dögum

Alvegarlegar ásakanir í garð SÁÁ – Samtökin krafin um 174 milljón króna endurgreiðslu – „Við teljum þetta algjörlega út í hött“

Alvegarlegar ásakanir í garð SÁÁ – Samtökin krafin um 174 milljón króna endurgreiðslu – „Við teljum þetta algjörlega út í hött“