fbpx
Mánudagur 22.júlí 2024
EyjanFastir pennar

Óttar Guðmundsson skrifar: Frelsi listamanna

Eyjan
Laugardaginn 29. júní 2024 06:00

Ekki missa af Helstu tíðindum dagsins í pósthólfið þitt

Lesa nánar

Þekktasta og vinsælasta skáld 19du aldar var Sigurður Breiðfjörð. Hann var margfaldur metsöluhöfundur og flestir kunnu eftir hann vísur eða kvæði. Þjóðskáld aldarinnar Bjarni Thorarensen og Jónas Hallgrímsson komust ekki í hálfkvisti við Breiðfjörð hvað vinsældir varðaði. Sigurður var kærulaus og drykkfelldur og lenti í miklum hremmingum vegna tvíkvænismáls. Helstu gáfumenn samtímans snerust gegn honum af miklu offorsi eins og fýlugjarnir og afbrýðisamir listamenn gera oft. Hann var dæmdur til hýðingar en danskur kóngur forðaði Íslendingum frá þeirri reginsmán að hýða sitt vinsælasta skáld. Veraldleg yfirvöld gengu mjög hart fram gegn Sigurði og hættu ekki fyrr en innheimtulögfræðingar höfðu hirt allar hans jarðnesku eigur. Almenningur, embættismenn og þjóðskáld samtímans voru sammála um að Breiðfjörð ætti skilið að deyja úr hungri sem hann gerði.

Ástsælasta tónskáld liðinnar aldar var læknirinn Sigvaldi Kaldalóns. Hann veiktist alvarlega og varð að segja starfi sínu lausu. Þegar hann sótti um nýja stöðu lenti hann í útistöðum við læknafélögin. Þau voru í stríði við Hriflu Jónas og lenti Sigvaldi í skotlínu milli stríðandi fylkinga. Hann var rekinn úr læknafélaginu og bannað setjast að í Keflavík þar sem hann hafði fengið héraðslæknisembætti. Fjöldi málsmetandi manna í samfélaginu og samtök lækna voru sammála um að tónskáldið ætti að drepast úr sulti fyrir óljósan málstað. Enginn danskur kóngur skar Kaldalóns úr snörunni en Grindvíkingar skutu yfir hann skjólshúsi og björguðu þannig miklum menningarverðmætum.

Öfund of afbrýðisemi eru sterkar tilfinningar sem oft taka alla stjórn í umræðunni. Snjallir listamenn eins og Sigurður og Sigvaldi fengu að sannreyna að frægð og vinsældir eru afstæð hugtök þegar harðnar á dalnum. Skyndilega er aðdáendaskarinn sammála um réttmæti hýðingar eða hungurdauða. Á slíkum ögurstundum getur verið gott að eiga sér danskan kóng að bakhjarli eða hina drenglunduðu Grindvíkinga sem tóku Kaldalóns í fang sér þegar heimurinn sneri við honum baki.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 2 vikum

Sigmundur Ernir skrifar: Samfélag til að græða á

Sigmundur Ernir skrifar: Samfélag til að græða á
EyjanFastir pennar
Fyrir 2 vikum

Óttar Guðmundsson skrifar: Assange

Óttar Guðmundsson skrifar: Assange
EyjanFastir pennar
Fyrir 3 vikum

Sigmundur Ernir skrifar: „Krísa íslenskrar pólitíkur leikur íhaldið jafn grátt og ysta vinstrið“

Sigmundur Ernir skrifar: „Krísa íslenskrar pólitíkur leikur íhaldið jafn grátt og ysta vinstrið“
EyjanFastir pennar
Fyrir 3 vikum

Steinunn Ólína skrifar: Glæpurinn gegn mannkyninu

Steinunn Ólína skrifar: Glæpurinn gegn mannkyninu
EyjanFastir pennar
20.06.2024

Þorsteinn Pálsson skrifar: Lítil auðnubót fyrir stofnanir lýðræðisins

Þorsteinn Pálsson skrifar: Lítil auðnubót fyrir stofnanir lýðræðisins
EyjanFastir pennar
19.06.2024

Svarthöfði skrifar: Þarf alltaf að vera með leiðindi?

Svarthöfði skrifar: Þarf alltaf að vera með leiðindi?
EyjanFastir pennar
14.06.2024

Svarthöfði skrifar: Þess vegna er Viðreisn í bjórfylgi

Svarthöfði skrifar: Þess vegna er Viðreisn í bjórfylgi
EyjanFastir pennar
14.06.2024

Steinunn Ólína skrifar: Í dag erum við öll Akurnesingar

Steinunn Ólína skrifar: Í dag erum við öll Akurnesingar