Baldur Þórhallsson, stjórnmálaprófessor við Háskóla Íslands, telur það aðeins tímaspursmál þar til að bandarískir ráðamenn fari að beina sjónum sínum að Íslandi og mikilvægi þess að stýra hér för. Þetta kemur fram í grein sem Baldur birti á Facebook-síðu sinni í morgun en þar segir hann að Ísland gæti orðið leppríki Bandaríkjanna í nánustu framtíð.
„Það kæmi ekki á óvart að krafa nýrra valdahafa yrði afdráttarlaus: Ísland á að vera leppríki Bandaríkjanna – rétt eins og önnur ríki á áhrifasvæði þess,“ skrifar Baldur.
Hann segir að stóra spurningin sé nefnilega sú hvort að Bandaríkjamenn muni brátt stíga fram með þá kröfu að Ísland snúi sér alfarið að Bandaríkjunum og hverfi frá nánari varnar- og efnahagssamvinnu við önnur Evrópuríki.
„Nýjir valdhafar telja að Evrópusambandið vinni gegn hagsmunum Bandaríkjanna og að Grænland eigi að tilheyra Bandaríkjnum. Í ljósi þessa kæmi ekki á óvart að bandarísk stjórnvöld beittu sér gegn því að Íslandi tæki aftur upp aðildarviðræðurnar við ESB,“ skrifar Baldur.
