Landsréttur hefur þyngt dóm yfir Dagbjörtu Guðrúnu Rúnarsdóttur fyrir að verða sambýlismanni sínum að bana í íbúð að Bátavogi í Reykjavík árið 2023. Í Héraðsdómi hlaut hún 10 ára fangelsi en Landsréttur þyngdi dóminn í 16 ára fangelsi.

Hér má lesa fyrri fréttir DV af Bátavogsmálinu.

Í frétt Vísis af dómi Landsréttar kemur fram að í héraðsdómi var hún sakfelld fyrir líkamsárás sem leiddi til dauða mannsins en ekki manndráp eins og ákæran hljóðaði upp á en samkvæmt henni beitti Dagbjört hinn látna margvíslegu ofbeldi áður en hann lést.

Fyrir héraðsdómi kom fram að Dagbjört hefði upphaflega kennt manninum um dauða hunds hennar en fyrir dómi viðurkenndi hún að hundurinn hefði líklega drepist úr elli. Einnig kom fram fyrir dómi að eftir að viðbragðsaðilar komu á vettvang hafi hún slegið manninn á meðan reynt var að endurlífga hann.

Þrátt fyrir að hugur Dagbjartar hafi ekki verið talin hafa verið í miklum tengslum við þennan atburð þá var hún metin sakhæf í héraði.

Ekki er ljóst á þessari stundu hvort Landsréttur hafi sakfellt Dagbjörtu fyrir manndráp í stað líkamsárásar sem leiddi til dauða hins látna en væntanlega hefur rétturinn einnig metið hana sakhæfa.