Forsetaframbjóðandinn og fyrrverandi forsætisráðherrann Katrín Jakobsdóttir og eiginmaður hennar, Gunnar Sigvaldason, hafa verið saman í tvo áratugi. Þau giftu sig í leyni fyrir rúmlega sextán árum og hefur Gunnar að mestu haldið sig frá sviðsljósinu öll þessi ár. En nú, þegar Katrín leitast eftir því að stíga inn í æðsta embætti þjóðarinnar, stendur Gunnar þétt við hlið hennar.
Það er því áhugavert að skoða hvernig þau eiga saman ef litið er til stjörnumerkjanna.
Gunnar er fiskur en Katrín er vatnsberi. Það er oft litið á pörun þessara merkja sem sjaldgæfa og óvænta. Fiskurinn er viðkvæmur og treystir mikið á aðra. Vatnsberinn er afar hugmyndaríkur en telur tilfinningar eiga að vera takmarkaðar.
Þetta samband þrífst á gagnkvæmri virðingu fyrir hugmyndum og tilfinningum hvort annars. Það er ávallt ys og þys í kringum þetta par og eru þau bæði afar sveigjanleg þegar kemur að því að stökkva á ný tækifæri og ævintýri.
Vatnsberinn er mjög hugmyndaríkur og er sífellt að skapa. Fiskurinn svífur áfram í draumaheimi og saman geta þessi tvö hrint alls kyns sniðugum hugmyndum í framkvæmd. Vatnsberinn getur oft verið fljótur að dæma þá sem sjá heiminn ekki eins og hann, á meðan fiskurinn sýnir oft of mikla góðmennsku, jafnvel þeim sem eiga hana ekki skilið.
Vatnsberinn og fiskurinn eru ekki aðeins æðislegir elskhugar heldur mjög góðir vinir. Vandamál eru sjaldséð í þessu sambandi en þegar þau koma upp eru bæði merki mjög fljót til að fyrirgefa og halda áfram með lífið.
Fæddur: 13. mars 1978
Fiskur
-listrænn
-blíður
-hjartagóður
-tilfinninganæmur
-treystir of mikið
-vill flýja raunveruleikann
Fædd: 1. febrúar 1976
Vatnsberi
-frumleg
-sjálfstæð
-mannvinur
-framsækin
-fjarlæg
-ósveigjanleg
