Breska raunveruleikastjarnan og áhrifavaldurinn Katie Price er bandill eftir að Instagram reikningi hennar var lokað. Ástæðan var sögð sú að hún hafi flassað brjóstunum í myndefni þar og auglýst CBD gúmmí.

Eins og segir í frétt The Sun er hin 48 ára Price sótill eftir að Instagram lokaði reikningnum hennar. Hún hafi þar með tapað 2,6 milljónum fylgjenda.

Meta, eigandi Instagram, lokaði reikningnum hennar vegna kvartana frá fólki sem sagði hana hafa flassað brjóstunum og auglýst CBD gúmmí, það er sælgæti með kannabisolíu. Price kvartaði yfir þessu og málið er nú til rannsóknar hjá Meta.

Á meðan þá óttast Price um að ná ekki að endurheimta gamla reikninginn sinn og fylgjendurnar að fullu til baka.

„Henni var upphaflega sagt að hún myndi fá reikninginn sinn til baka en nú eru þeir að segja að hún gæti þurft að byrja upp á nýtt með enga fylgjendur,“ segir heimildarmaður The Sun.

Málið kemur á viðkvæmum tíma í lífi Price. En reikningnum var lokað nokkrum klukkustundum eftir að Price tilkynnti að hún og eiginmaður hennar, kaupsýslumaðurinn Lee Andrews, hefðu náð að tala saman. En Andrews var handtekinn og fangelsaður í Dubai fyrir skemmstu.

Málið er hjúpað dulúð og en að sögn Price er Andrews sakaður um njósnir. En fyrir handtökuna hafði hann verið týndur í um tvær vikur. Hélt Price því fram að manni sínum hefði verið rænt.