Leikarinn Ted Danson varð heimsþekktur fyrir hlutverk sitt í gamanþáttunum Cheers, sem sýndir voru á árunum 1982-1993. Í nýlegum þætti af hlaðvarpi sínu, Where Everybody Knows Your Name, ræðir Danson, sem er orðinn 78 ára við leikkonuna Lisu Ann Walter. Óhætt er að segja að svar hans hafi verið óvænt þegar hún spurði hann „hvað gerðist þegar þú áttaðir þig á því hvað þú værir flottur?“

„Ég ætla ekki að fara of langt aftur í tímann því það er ekki nauðsynlegt, en ég var bókstaflega gaurinn sem var með nakta konu fyrir framan mig og hugsaði: „Í alvöru?“ Ég leit yfir öxlina og hugsaði: „Áttu við mig?““ sagði hann. „Það var ekki fyrr en ég var á öðru ári í Cheers þegar ég ákvað að hætta þessum efasemdum.“

Leikarinn sagði að alltaf þegar hann væri ekki á tökustað og umræða kom upp um stöðu hans sem kyntákn , þá byrjaði hann að mótmæla.

Hann hélt áfram og sagði að þegar einhver hrósaði honum og sagði við hann „þú ert svo sexý og svo fyndinn“, rakti hann það til ákvörðunar framleiðanda um að ráða „mjög sexý konur til að horfa á Sam Malone og segja: „Vá, hann er sexý.“

Walter fullvissaði Danson síðar um að þótt hann hefði kannski ekki fundið fyrir því, þá „værir þú að selja það“ og að það snerist ekki bara um „konurnar sem þeir setja í kringum þig“.

Danson lék Sam Malone í þáttunum „Cheers“ í meira en 12 ár, frá 1982 til 1993, og vann hann tvenn Emmy-verðlauna sem aðalleikari í gamanþáttaröð. Þáttaröðinni lauk eftir 11 þáttaraðir þegar Danson ákvað að  hætta í þáttunum  til að sækjast eftir öðrum tækifærum, en framleiðendur ákváðu þá að þetta væri komið gott.

Eftir Cheers lék Danson í kvikmyndum eins og Pontiac Moon og Saving Private Ryan og vinsælum sjónvarpsþáttum á borð við Becker, Damages, Curb Your Enthusiasm og CSI: Crime Scene Investigation.  Sem djöfull í Good Place fékk hann þrennar tilnefningar til Emmy-verðlauna.

„Mér finnst dásamlegt þegar 12 ára börn og foreldrar þeirra koma til mín og segja mér hversu mikið þau elska að horfa á The Good Place“ sagði Danson við  Vanity Fair  í júní 2019. „Ég er bara mjög þakklátur fyrir að hafa fengið að vera hluti af þáttaröð sem ég held að hafi í raun, á dásamlegan, kjánalegan, hamingjusaman og upplyftandi hátt, eitthvað að segja.“

Danson leikur nú í þáttunum Man on the Inside á Netflix, þar sem hann leikur fyrrverandi prófessor sem finnur sér nýjan feril sem njósnari.