Íslenska stúlka var í tvö og hálft ár, allt frá 13 ára aldri, í klóm erlendra netníðinga sem kúguðu hana til að blóðga sjálfa sig og niðurlægja sig með ýmsum hætti frammi fyrir fjölda fólks á lokaðri spjallrás. Fólkið gerði stúlkuna vitstola af angist með stanslausum hótunum um að vinna henni og fjölskyldu hennar mein.
DV ræddi við stúlkuna og móður hennar fyrir páska. Stúlkan greindi frá því að myndbönd af henni alblóðugri hafi verið til sýnis inni á spjallrás á samskiptaforritinu Discord. Glæpahópar sem stunda þessa iðju eru nú til rannsóknar hjá bandarísku alríkislögreglunni, FBI. Sjá hér.
Aðspurðar segja stúlkan og móðir hennar að hér virðist allt hafa snúist um útrás fyrir sadískar og afbrigðilegar hvatir glæpamannanna. Möguleiki væri á því að nektarmyndir af stúlkum sem eru misnotaðar með þessum hætti séu seldar en ekkert hefur komið fram sem bendir til þess að svo sé.
„Þau voru að segja mér að þau myndi senda myndirnar af mér í skólann, á fjölskylduna mína, alla vini mína. Síðan myndu þau koma til Íslands og myrða alla ástvini mína. Þau voru líka öll offline og þá var eins og þau væru á leiðinni. Flar hótaði því að koma hingað, draga mig inn í hvítan sendibíl, nauðga mér og gera mig síðan að kynlífsþræl. Hann sýndi mér meira að segja flugmiðann hingað,“ segir stúlkan um hótanirnar og ógnanirnar sem dundu á henni.
Viðtalið við mæðgurnar má lesa með því að smella á tengilinn hér að neðan:
