Veðurspáin fyrir daginn í dag er ekkert sérstök á sunnan- og suðvestanverðu landinu og taka gular viðvaranir gildi í hádeginu á höfuðborgarsvæðinu, Suðurlandi, Faxaflóa og á Suðausturlandi.

Á höfuðborgarsvæðinu er gul viðvörun í gildi frá klukkan 12:30-17:00 og á vef Veðurstofunnar segir að gera megi ráð fyrir vestan 15-23 metrum á sekúndu, dimmum éljum og skafrenningi með lélegu skyggni. Líkur eru á samgöngutruflunum vegna þessa.

Svipað verður uppi á teningnum annars staðar þar sem gular viðvaranir eru í gildi. Það mun ganga á men dimmum éljum og skafrenningi og getur færð spillst.

Vegagerðin lýsti í gærkvöldi yfir óvissustigi á eftirfarandi vegum frá klukkan 9 til 20 í kvöld og gætu þeir lokað með stuttum fyrirvara.

Hellisheiði

Þrengsli

Mosfellsheiði

Kjalarnes

Hafnarfjall

Suðurstrandarvegur

Reykjanesbraut

Grindavíkurvegur

Lyngdalsheiði

Akrafjallshringur

Borgarfjörður

Hvalfjörður

Mýrar

Hringvegur (1) milli Hveragerðis og Markarfljóts

Uppsveitir Suðurlands

og Árborgarhringur.

Krýsuvíkurvegur lokaði klukkan 6 í morgun.