Guðmundur Ingi Kristinsson, þingmaður og varaformaður Flokks fólksins, kallar stjórn flokksins til fundar til að ræða „stöðugt andlegt ofbeldi, hótanir og jafnvel kynferðislegt áreiti“ í garð kvenleiðtoga flokksins og sjálfboðaliða á Akureyri.
Þetta kemur fram í Facebookfærslu sem Guðmundur skrifaði nú í morgun. Þar greinir hann frá því að honum hafi ítrekað borist fregnir að því að kvenleiðtogar flokksins og sjálfboðaliðar á Akureyri „hafi mátt sæta ótrúlega niðrandi og fyrirlitlegri framkomu síðustu mánuði frá ákveðnum trúnaðarmönnum flokksins.“
Guðmundur segir í færslunni: „Svo það sé alveg skýrt, þá mun ég óska stjórnafundar og leggja fyrir stjórn að taka fyrir og ræða alvarlega þessar ásakanir. Ég og við í Flokki fólksins munum aldrei sætta okkur við ofbeldi, einelti, hótanir né kynferðislegt áreiti af nokkru tagi innan okkar raða.“
DV hefur ekki enn náð tali af Guðmundi vegna málsins.
Hefur þú frekari upplýsingar um málið? Sendu okkur póst á ritstjorn@dv.is
Hér má lesa færslu hans í heild sinni:
