Það kemur eflaust fáum á óvart að topparnir í fjármálageiranum séu með góð mánaðarlaun. Þau fimm sem voru með hæstu mánaðarlaunin í geiranum árið 2021 eru öll með yfir 4 milljónir á mánuði.

Sá sem trónir þó á toppnum er með nokkuð meira en það er hann Jón Sigurðsson, stjórnarformaður Stoða. Jón var með 5,66 milljónir í mánaðarlaun árið 2021 en enginn annar á listanum nær að slefa upp í 5 milljónirnar. Næstur á eftir honum kemur Benedikt Gíslason, bankastjóri Arion banka, með 4,5 milljónir á mánuði og á eftir honum kemur Óskar Magnússon, rithöfundur og fjárfestir, með rúmlega 4,4 milljónir á mánuði.

Hægt er að sjá tekjulistann í heild sinni hér

Ásgeir Helgi Reykfjörð Gylfason, forstjóri fjárfestingafélagsins SKEL og fyrrum aðstoðarbankastjóri Arion banka, var með rúmar 4,2 milljónir á mánuði og sömu sögu er að segja af Birnu Einarsdóttur, bankastjóra Íslandsbanka, en hún var einnig með rúmar 4,2 milljónir.