Talsvert var um að fólk væri að slasa sig á rafhlaupahjólum í nótt. Í dagbók lögreglu er greint frá sex slíkum tilvikum fram eftir nóttu. Tveir þeirra voru það illa slasaðir að viðkomandi voru fluttir á bráðamóttöku til aðhlynningar. Einn ætlaði hins vegar að koma sér sjálfur á spítala eftir fallið. Þetta kemur fram í dagbók lögreglu núna í morgunsárið.

Þá er greint frá tveimur tilvikum þar sem lögreglu var tilkynnt um að einstaklingar höfðu fallið í jörðina með ótilgreindum hætti.

Talsvert var um bílstjórar hafi verið stöðvaðir vegna gruns um akstur undir áhrifum áfengis eða annarra vímuefna.

Óskað var eftir aðstoð lögreglu að skemmtistað í miðbænum vegna líkamsárásar rétt fyrir miðnætti. Einn einstaklingur var handtekinn á vettvangi og hann látinn laus að lokinni skýrslutöku.

Tvö önnur tilvik komu upp á skemmtistöðum þar sem ölvaðir einstaklingar voru til vandræða. Einn þeirra vildi ekki segja til nafns og var hann því látinn dúsa í fangaklefa í nótt.