Í tilefni af degi Leifs Eiríkssonar, sem haldin er í Bandaríkjunum 9. október ár hvert gaf Donald J. Trump, Bandaríkjaforseti, út yfirlýsingu þar sem hann lýsti daginn formlega hátíðlegan, en hefð er fyrir því að Bandaríkjaforsetar gefi slíka yfirlýsingu árlega, eða allt frá árinu 1964 þegar dagurinn var fyrst haldinn hátíðlegur.

Í yfirlýsingunni fór Trump fögrum orðum um norræna arfleifð og hugrekki Leifs Eiríkssonar.

„Á degi Leifs Eiríkssonar heiðrum við útþránna, hugrekkið og áræðnina sem fékk þennan goðsagnakennda víking til að sigla yfir Atlandshafið í leit af nýjum löndum og tækifærum fyrir yfir þúsund árum síðan. Draumur hans um að sigla yfir sjóndeildarhringinn og endurskilgreina hvað væri mögulegt – skilgreinir og veitir Bandaríkjamönnum innblástur enn þann dag í dag.

Líf landkönnuðarins Leifs Eiríkssonar hófst á Íslandi – á sama stað og áhöfn Apollo 11 geimflaugarinnar sem undirbjó sig fyrir sögufræga ferð sína til tunglsins. Dirfskan sem dreif Eiríksson og samferðamenn hans yfir óþekkt haf er sama dirfskan og bar hugrökku heimfarana okkar út í geiminn fyrir fimmtíu árum síðan og líka sami drifkrafturinn og kyndir undir löngun okkar til að leysa ráðgátur alheimsins og kanna Mars.

Bandaríkjamenn hafa sterka tengingu við heimalönd víkinganna. Milljónir Bandaríkjamanna geta með stolti rakið ættir sínar til Danmerkur, Finnlands, Íslands, Noregs og Svíþjóðar. Allar þessar þjóðir hjálpa til við að halda tengslum okkar yfir Atlantshafið sterkum. Þeir standa þétt við hlið okkar sem bandamenn Norður-Atlandshafssamtakanna eða í samstarfi við að auka svæðisbundinn frið og stöðugleika.“

Í yfirlýsingunni sagði Trump enn fremur að Norrænir Ameríkanar auðgi bandarísk samfélag með seiglu, ævintýraþrá og menningarlegum hefðum. „Á þessum degi heiðrum við ótrúleg afrek Leifs Eiríkssonar og fögnum djörfum draumum, metnaði og ástríðunni fyrir að kanna hið óþekkta, allra einstaklinga af skandinavískum uppruna.“

Trump lýstir síðan daginn formlega hátíðlegan og hvatti Bandaríkjamenn til að halda upp á daginn með viðeigandi athöfnum, viðburðum og skemmtunum.