Denis Shramko, sjálfstætt starfandi leiðsögumaður samkvæmt Instagram-aðgangi hans, hefur verið ákærður fyrir tvær hrottalegar líkamsárásir. Önnur flokkast sem stórfelld meðan hin flokkast sem sérstaklega hættuleg. Bæði meint brot áttu sér stað í miðbæ Reykjavíkur veturinn 2016.
Fyrri líkamsárásin átti sér stað á skemmtistaðnum D-10 við Hafnarstræti þann 24. janúar 2016. Þar er Denis sakaður um að hafa ráðist á karlmann með því að slá hann ítrekað með krepptum hnefa í andlitið, með þeim afleiðingum að hann hlaut tannbrot úr sex tönnum, skurð undir neðra augnloki hægramegin, glóðarauga vinstra megin, brot í botni vinstri augntóftar og áverka í augnbotni vinstra auga þar sem ystu lög sjónhimnu rofnuðu svo að af hlutust varanlegar sjóntruflanir.
Hin meinta árás Dennis átti sér stað ríflega mánuði síðar, þann 5. mars á Ingólfstorgi. Hann er sakaður um að hafa þá ráðist á karlmann með því að slá hann með krepptum hnefa í andlitið, með þeim afleiðingum að maðurinn féIl í jörðina. Því næst er Dennis sakaður um að hafa sparkað nokkrum sinnum í andlit hans og traðkað nokkrum sinnum á höfði hans. Afleiðing þessa var að maðurinn hlaut um það bil þriggja sentímetra langan skurð á neðri vör sem náði í gegn, skurð neðan við hægra auga, mikla bólgu og mar á vinstri kinn og yfir vinstra auga og brotið nefbein.
Denis er mjög virkur á Instagram og má þar sjá að hann ferðast víða um landið sem leiðsögumaður. Hann deildi myndinni hér fyrir neðan þann 5. febrúar árið 2016. Ríflega viku eftir að hann er sakaður um að ráðist á mann á D-10 og valdið varanlegum sjóntruflunum.
